web counter
LEXO PA REKLAMA!

SHKARKO APP

App Store
Google Play

Berisha mesazh urimi kryetarit të ri të CDU/ Lajm i shkëlqyer për shqiptarët

17 Dhjetor 2021, 19:42, Politikë CNA

Lideri historik, Sali Berisha ka uruar kreun e ri të CDU, Friederich März, duke shprehur se ky është një lajm i madh për shqiptarët, të cilët kanë parë tek CDU, aleatin dhe mbështetësin e tyre më të madh.

Më tej ish kryeministri shpreh besimin për një bashkëpunim me CDU, në të mirë të konsolidimit të vlerave konservatore në Shqipëri.

?Zgjedhja juaj si kryetar i CDU-së, forcës politike konservatore më të madhe dhe më të fuqishme në Europe, është një lajm i madhe për CDU-në, Gjermaninë dhe mbarë Europën. Por ky është një lajm i madh dhe i shkëlqyer edhe për Partinë Demokratike, për Shqiperinë dhe shqiptarët, të cilët kanë parë tek CDU, që nga fillimi i tyre e deri sot, aleatin dhe mbështetësin e tyre më të madh.

Unë dëshiroj të shfrytezoj rastin e zgjedhjes tuaj z. März, në detyrën e lartë të kryetarit të CDU-së, që t?ju dërgoj në emër të Komisionit të Përkohshëm të Rithemelimit të Partisë Demokratike, urimet më të përzemërta të miat dhe të të gjithë demokratëve shqiptarë, dhe t?ju uroj suksese në këte detyrë shumë të rëndësishme, për kombin dhe vendin tuaj të madh dhe mbarë Europën.

Unë gjithashtu, shpreh besimin dhe deshirën time dhe të mbarë demokratëve shqiptarë, për një bashkëpunim të ngushtë e të shkëlqyer me ju dhe CDU-në, në interesin më të mirë të konsolidimit të vlerave konservatore në Shqipëri, si dhe në interes të paqes, demokracisë dhe integrimit të Shqiperisë në Bashkimin Europian. Me urimet më të perzemërta për suksese të mëdha?, shkruan Berisha në rrjetin social facebook./CNA.al





Lajmet e fundit nga