web counter
LEXO PA REKLAMA!

SHKARKO APP

App Store
Google Play

Gjokutaj: Basha u shkarkua nga Kuvendi, vendimet e tij janë nul

15 Dhjetor 2021, 19:48, Politikë CNA

Avokati Genc Gjokutaj u shpreh se vendimet që Lulzim Basha janë nul, pasi sipas tij ai u shkarkua në Kuvendin e 11 dhjetorit.

Në një intervistë televizive, ai deklaroi se Basha i cili vetëquhet kryetar duhet të ndërmarrë hapa të tjerë dhe jo të bllokojë institucionin me mbyllje dyersh, si një nga format më primitive.

“Shkarkimi i tij nga Kuvendi, i ka hequr të gjitha kompetencat jo vetëm si kryetar, por mosqenia e tij kryetar e bën nul të gjithë zinxhirin e vendimmarrjeve të mëtejshme të Kryesisë së shkarkuar dhe vendimmarrjen e vetë kryetarit. Ky kryetar i vetëquajtur i tillë, duhet të ketë kurajon qytetare, civile dhe ligjore, të ndërmarrë hapa të tjetër, jo nëpërmjet bllokimit të institucionit, mbylljes së dyerve, forma këto primivie, sepse institucioni i përket vendimmarrjes dhe jo vravave e çelësave. Sipas mendimit tim, zoti Basha duhet të riformatojë qëndrimin e tij, antiligjor deri më sot, të ndërmarrë hapat e duhura, por jo në funksion të kryetarit, sepse nuk ka më kompetencë për të vepruar siç ka vepruar dhe tashmë mbi bazën e statutit të ri të PD, pasi statuti i mëparshëm nuk ekziston më“, tha avokati Genc Gjokutaj./E.K-CNA.al





Lajmet e fundit nga