web counter
LEXO PA REKLAMA!

SHKARKO APP

App Store
Google Play

Mega-afera e inceneratorit të Tiranës/ Nga jeta e humbur tek zinxhiri i kompanive off shore, si gllabërohen 400 milionë euro

15 Dhjetor 2021, 12:57, Politikë CNA

Deputetja e Partisë Demokratike, Jorida Tabaku gjatë një deklarate për mediat është ndalur tek koncesioni i inceneratorëve në Shqipëri.

Deputetja Tabaku theksoi në fjalën e saj, se krimi më i madh është bërë për inceneratorin e Tiranës.

Tabaku theksoi historia e inceneratorit të Tiranës nisi me një kontratë 129 milionë euro dhe sipas një raporti të KLSH, ka shkuar në 400 milionë euro.

?Krimi më i madh është inceneratori i Tiranës.

Një i ri humbiu jetën për inc e Tiranës, kanë shkelur mbi jetën e një të riu.

Kjo histori nisi me një kontrata 129 milionë euro, e quan në 179 milionë. Ndërsa sipas një raporti të KLSH shkon në 400 milionë euro.

Për këtë kontratë riskun nuk e mban koncesionari, por e mban buxheti i shtetit.

Cdo ditë kemi rritje në pagesa nga buxheti i shtetit dhe kjo është vetëm për ndërtimin.

Në fakt nuk ka incinerator në Tiranë. Është vetëm një landfill, nuk bëhet incenerimi.

Përfaqësues të PD kanë shkuar atje dhe jemi sulmuar në mënyrë mafioze dhe kriminale.

Jemi censuruar, kemi bërë dhe padi.

Nga 179 milionë, kontrata shkon në 400 milionë euro, dhe të treja bashkë janë kontrata me celësa në dorë.

Që do të thotë në momentin e parë që është firmosur kontrata ka filluar pagesa.

Pa u arrestuar edhe Edi Rama, Erion Veliaj, Armando Subashi, Qazim Sejdini, nuk ka drejtësi?-tha ndër të tjera Tabaku.

Më tej, ajo theksoi se ashtu sin ë Elbasan, edhe për inceneratorin e Fierit dhe Tiranës janë hapur kompani fiktive.

Për më tepër, Tabaku theksoi se për inceneratorin e Tiranës, janë përfshirë edhe kompani të regjistruara në off shore.

?Janë hapur kompani fiktive edhe për inceneratorin e Fierit dhe Tiranës.

Janë përfshirë kompani edhe të regjistruara në off shore.

Adresa në Hollandë është falso. Deputetja Flutura Açka ka shkuar në adresën në Hollandë, dhe nuk kishte asgjë. Kanë pritur, i kanë rënë derës, dhe nuk është përgjigjur askush. Është adresë falso.

Afera e inceneratorëve është zbuluar vetëm në 1/10 e saj?-deklaroi Jorida Tabaku./CNA.al





Lajmet e fundit nga