web counter
LEXO PA REKLAMA!

SHKARKO APP

App Store
Google Play

E fundit!

x

“Na ktheu dinjitetin”/ Meta vlerëson meritat e Berishës

15 Dhjetor 2021, 11:48, Politikë CNA

Presidenti Ilir Meta ka kujtuar 15 dhjetorin 2010, dita kur qytetarët shqiptarë udhëtuan për herë të parë pa viza drejt Evropës.

Me anë të një statusi në rrjete sociale, ai ka deklaruar se objektivi strategjik i anëtarësimit në BE është i pakompromentueshëm dhe i patjetërsueshëm.

?Më 15 dhjetor 2010, qytetarët shqiptarë udhëtuan për herë të parë pa viza drejt Europës.

Në më pak se dy vite, ne përmbushëm 42 kushte dhe më shumë se 100 kërkesa bashkëshoqëruese, që lidheshin me shtetin ligjor, sigurinë dhe të drejtat themelore.  

Lëvizja pa viza drejt BE ka qenë ngjarja me ndikimin më të madh dhe të drejtpërdrejtë tek qytetarët shqiptarë, në të gjithë procesin e anëtarësimit.

E drejta për të udhëtuar pa viza drejt BE iu ktheu qytetarëve dhe shtetit shqiptar dinjitetin e njerëzve të lirë, të paparagjykuar, duke iu hapur horizonte dhe mundësi të reja për ndërtimin e të ardhmes së tyre europiane.

Ndaj është koha të bëjmë gjithçka për të mbrojtur këtë arritje të madhe.

Rruga europiane e shqiptarëve është shtruar përmes vetëdijes kombëtare se objektivi strategjik i anëtarësimit në BE është i pakompromentueshëm, i patjetërsueshëm dhe i pangatërrueshëm me qorrsokake të tjera, qofshin këto ballkanike?, shkruan Meta në rrjetin social facebook.

Kujtojmë se gjatë kohës që Shqipërisë iu dha e drejta për të lëvizur pa viza drejt vendeve të BE, lideri historik, Sali Berisha asokohe ishte në postin e kryeministrit./CNA.al





Lajmet e fundit nga