E fundit!

08:25 Kosova & Bota

SHBA drejt heqjes së ndryshimit të orës, Dhoma e Përfaqësuesve miraton projektligjin

Dhoma e Përfaqësuesve në SHBA ka miratuar një projektligj ...

“Me kokën “e prerë” duan të pastrojnë qelbjen e vet”/ Ish-ministri i Ramës i del në krah Lefter Kokës

15 Dhjetor 2021, 08:00, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me arrestimin e ish-ministrit të Mjedisit, Lefter Koka, pas një hetimi të SPAK, në lidhje me dosjen e inceneratorëve.

Në një postim në rrjetet sociale, Manjani shkruan se uron që Lefter Koka të provojë pafajësinë.

Ai e cilëson arrestimin e Kokës, si hakmarrje politike, ndërsa thekson se ?Me kokën ?e prerë? duan të pastrojnë qelbjen e vet.?

?Lefter Koka është në ditën e vet më të keqe të jetës së Tij. Të jesh nën akuzë zyrtare nuk është një gjë e lehtë për tu kaluar. Njerzisht i uroj të provojë veten të pafajshëm!

E kuptoj fort mirë dëshirën kolektive për t?u ushqyer me ?koka të prera?, dëshirë e cila u kultivua nga drejtësia popullore komuniste, por unë nuk bashkohem me këtë kulturë talebane. Jo ndaj Lefterit por ndaj askujt!

Koka ?e prerë? e Lefterit i serviret publikut nga kokat e qelbura të politikës jo për drejtësi, por për hakmarrje politike. Me kokën ?e prerë? duan të pastrojnë qelbjen e vet.

Por është e kotë.

Edhe ?peshku politik? nga koka qelbet, si çdo peshk tjetër??-shkruan Manjani.

Më tej, ai thekson se gara për të bërë deklarata politike me ngjarje hetimore e arrestime tregon edhe njëherë se çfarë politike të poshtër kemi.

Sa i takon dosjes së inceneratorëve, Manjani shkruan se historia e plehrave nuk sqarohet me Kokën ?e prerë? të Lefterit, por kjo çështje tashmë i përket drejtësisë.

?Një politikë që nxit hedhjen e gurëve ndaj ?viktimës së radhës? nuk ka asnjë lidhje me politikën e ndarjes së pushteteve apo respektimit të lirive dhe të drejtave të njeriut.

Çdokush ka të drejtë të mbrohet në një gjykim të rregullt, por edhe nga gjykimi popullor. Ky i fundit shprehet në votime jo në arrestime!!!

Ndërkohë, historia e plehrave nuk sqarohet me Kokën ?e prerë? të Lefterit? Por kjo çështje tashmë i përket drejtësisë. I asaj drejtësie që është.

Pozita e opozita, kryetarë e ishkryetarë, deputetë apo qytetarë bëjnë mirë të hedhin gurët në tokë e të presin verdiktin e gjykatave. Mos u gëzoni me ngjarjen e tjetrit se mund t?u kthehet ju nesër?!

Drejtësia popullore dhe gjykimi politik janë DIKTATURË!?-përfundon postimin e tij Ylli Manjani./CNA.al