web counter
LEXO PA REKLAMA!

SHKARKO APP

App Store
Google Play

Referendumi/ Komisioni i Rithemelimit nis organizimin e punës në degët e PD

14 Dhjetor 2021, 16:17, Politikë CNA

Komisioni i Rithemelimit të PD, ka bërë me dije se, tashmë ka nisur organizimi dhe ndarja e punës në të gjitha degët e partisë për të implementuar realizimin e Referendumit.

Përmes një postimi në rrjetet sociale, Floriana Garo, në nivel qarqesh dhe degësh po organizohen grupet e punës për të mirëmenaxhuar procesin e votimit nga anëtarët e PD për ratifikimin e vendimit të Kuvendit Kombëtar, shkarkimin e Lulzim Bashës si kryetar i PDSH.

?Komisioni i përkohshëm i Rithemelimit të PD u miratua në Kuvendin Kombëtar. Ky komision u mblodh të hënën në Selinë e PD për zbatimin dhe implementimin  e vendimeve të kuvendit.

Ndër të tjera, zuri vend kryesor zbatimi i vendimit nr. 6 të Kuvendit për zhvillimin e referendumit me 18 dhjetor për ratifikimin e këtij vendimi.

Ky komision ndau detyrat dhe grupet e punës në gjithë degët e PD.

Të gjithë anëtarët e komisionit janë këtë javë në terren për të implementuar realizimin e referendumit ditën e shtunë, në bashkëpunim me strukturat e partisë në bazë.

Referendumi është një proces gjithëpërfshirës që ndodh për herë të parë nga një forcë politike në Shqipëri. Ky është aplikimi  i demokracisë direkte.

Në nivel qarqesh dhe degësh po organizohen grupet e punës për të mirëmenaxhuar procesin e votimit nga anëtarët e PD për ratifikimin e vendimit të Kuvendit Kombëtar, shkarkimin e Lulzim Bashës si kryetar i PDSH?, shkruan Garo./ A.E-CNA.al





Lajmet e fundit nga