web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Lefter Kokës jehonë në mediat e huaja/ Associated Press: Rrezikon deri në 12 vite burg

15 Dhjetor 2021, 10:52, Politikë CNA

Arrestimi i ish-ministrit të Mjedisit në qeverinë ?Rama?, Lefter Koka, pas një hetimi të SPAK, për inceneratorin e Elbasanit, ka bërë jehonë edhe në mediat e huaja.

Associated Press, ndërsa shkruan në lidhje me arrestimin e Kokës, thekson se ai akuzohet për një ryshfet prej 4.1 milion dollarësh.

Po ashtu në shkrimin në fjalë thuhet se, Koka rrezikon deri në 12 vite burg nëse dënohet.

Kujtojmë këtu se Koka u vu në pranga një ditë më parë, me urdhër të Prokurorisë së Posaçme Kundër Korrupsionit dhe Krimit të Organizuar, në kuadër të hetimeve për koncesionin e incineratorit të Elbasanit.

Gjithashtu, SPAK kërkoi arrestimin e shtetases Stela Gugallja, e cila është pronarja e kompanisë Albtek Energy si dhe Klodian Zotos, pronar i kompanisë Integrated Technology Services.

Por këta dy të fundit u shpallën në kërkim pasi policia nuk arriti të gjejë vendndodhjen e tyre. Mbi të dyshuarit rëndojnë akuzat e korrupsionit të zyrtarëve të lartë dhe të pastrimit të parave.

Në dosjen e SPAK, thuhet se Koka ka lejuar përfitime të padrejta nga ana e pronarëve të kontratës së koncesionit, e cila u lidh përmes procedurës së negocimit të drejtpërdrejtë pa shpallje nën justifikimin e gjendjes së jashtëzakonshme ndërsa Klodian Zoto dhe Stela Gugallja akuzohen se kanë kryer transaksione të rreme me paratë e marra nga buxheti i shtetit për llogari të kontratës koncesionare.

Sipas SPAK, koncesioni është dhënë në kundërshtim me ligjin ndërsa Albtek dhe Integrated Technology Services kanë bërë pagesa për kompani të cilat, nuk kanë kryer punimet për të cilat janë paguar./CNA.al





Lajmet e fundit nga