web counter
LEXO PA REKLAMA!

SHKARKO APP

App Store
Google Play

Transportonin emigrantë të paligjshëm/ E pësojnë keq dy të rinjtë

12 Dhjetor 2021, 12:34, Kronika CNA

Vijon operacioni policor i koduar Perimetri. Së fundi është goditur një tjetër rast i transportimit të paligjshëm të emigrantëve.

Dy të rinj, K.P dhe M.I u kapën duke transportuar 11 emigrantë me mjetet e tyre tip “Jeep” dhe “Benz, kundrejt një shpërblim.

?Shërbimet e Komisariatit të Policisë Pogradec, në bashkëpunim me strukturat për Hetimin e Krimeve në DVP Korçë dhe Policinë Kufitare, në vijim të operacionit policor të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt shpërblimit, si rezultat i të cilit u bë arrestimi në flagrancë i shtetasve K. P., 22 vjeç, banues në Maliq dhe M. I., 24 vjeç, banues në Korçë.

Shërbimet e policisë kanë konstatuar në qytetin e Pogradecit, dy shtetasit e mësipërm, me mjetet e tyre tip “Jeep” dhe “Benz”, duke iu dhënë ndihmë 11 emigrantëve të paligjshëm, të cilëve iu kishin premtuar transportin kundrejt shpërblimit në drejtim të Tiranës dhe më pas drejt vendeve të BE-së.

Materialet në ngarkim të tyre i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve”, kryer në bashkëpunim?, njofton policia./ A.E-CNA.al





Lajmet e fundit nga