Mbledhja e Kuvendit të 11 dhjetorit/ Kush janë pikat që duhen diskutuar

10 Dhjetor 2021, 20:09, Politikë CNA

Ish-anëtari i Këshillit Kombëtar, Edvin Kulluri ka deklaruar se Kuvendi është vonë në paraqitjen e një axhende të qartë për delegatët dhe anëtarët pjesëmarrës në Kuvendin e 11 dhjetorit.

Në një reagim për CNA.al, ai ka treguar edhe disa nga pikat të cilat duhet të preken ditën e nesërme dhe bazuar mbi to, të merren vendimet përkatëse.

?Është vonë për të mos patur një axhendë të qartë të Kuvendit. E mira do ishte që axhenda të ishte bërë publike dhe anëtarësia e delegatët të ishin njohur, megjithatë do të thoja që nesër duhet të ndodhin tre evente madhore të politikës.

Së pari duhet gjetur një zgjidhje legjitime për ndryshimin e lidershipit të PD.

Duhen hedhur themelet reformuese për një statut të ri demokratizues të PD, i cili të garantojë ndarjen e pushteteve brenda partisë, autonominë vendore në vendimmarrje. Një qasje të qartë të djathtë konservatore për të qenë fitues dhe një ofertë më e mirë se kundërshtarët në zgjedhjet që na presin.

Mendoj se PD duhet t?i kthejë sytë urgjentisht nga një ekonomi e bazuar në interesin sovran shqiptar, të ekonomisë vendase, të jetë e përcaktuar qartë në çështjen e pronës private, janë me qindra mijëra votues të PD që ndihen të tradhtuar në çështjen e pronës, e cila është garanti i parë i lirisë së individit. E kam thënë dhe po e them nuk mund të ketë liri pa pronë.

Së treti mendoj se PD duhet të jetë me një axhendë të qartë patriotike, e cila të vërë interesin e shqiptarëve para interesit të rajonit apo konfigurimeve të tjera ndërkombëtare.

Së katërti besoj që orientimi euroatlantik i Shqipërisë dhe marrëdhënia me SHBA duhet të jetë një kollonë e padiskutueshme e ekzistencës së PD për të mirën e kombit, shtetit shqiptar, shqiptarëve dhe PD, si partia që ka rrëzuar komunizmin dhe ka lidhur pazgjidhshmërisht fatin e saj me modelin më demokratik që ka njohur historia moderne e botërore, ajo e SHBA-ve.

Së katërti PD duhet të jetë shumë e qartë në programin ideologjik të lidhur me vlerat themelore të ekzistencës së një shoqërie që është familja. Mbështetja dhe deklarimi I qartë në favor të familjes tradicionale duke garantuar me çdo kusht mosdiskriminimin e komuniteteve dhe minoriteteve të orientimeve të ndryshme seksuale?, tha Kulluri./CNA.al