web counter
LEXO PA REKLAMA!

SHKARKO APP

App Store
Google Play

E fundit!

x

Foltorja i përgjigjet Bashës/ Në ditën e fundit si kryetar të kapi paniku, gaztori lexoi emra të falsifikuar

10 Dhjetor 2021, 18:51, Politikë CNA

Foltorja i është përgjigjur kreut të PD Lulzim Basha sa i takon leximit të emrave të delegatëve që sipas këtij të fundit kanë firmosur për 18 dhjetorin.

Përmes një deklarate për Media, Foltorja thekson se Bashën e ka kapur paniku në ditën e fundit si kryetar, ndërsa shton se nxorri gaztorin për të lexuar emra të falsifikuar, që po denoncohen në media.

Emrat e lexuar nga Bardhi nuk u shoqëruan me funksionet e tyre përkatëse apo se cilës degë i përkisnin.

Deklaratë – Partia Demokratike- Foltorja

Për javë me radhë demokratët nga gjithë Shqipëria, degë pas dege kanë publikuar me gojën e tyre emrat e delegatëve që kanë firmosur për thirrjen e Kuvendit të parë në historinë e vendit qe mblidhet me kërkesën e anëtarësisë.

Sot në një krizë paniku në ditën e fundit si kryetar Basha nxorri Gaztorin e tij për të lexuar një listë që po denoncohet nga shumë demokratë si e falsifikuar dhe ku duket qartë fryrja fiktive e mandateve të qarqeve krahasuar me kuvendin e fundit. Lexohen emra pa u shoqëruar me funksionet e tyre përkatëse, apo se cilës degë i përkasin. E gjitha kjo për të krijuar turbullirë në vend të transparencës me shpresën se do krijojnë konfuzion!

Lodhen kot! Revolucioni nuk ndalet me falsifikime. Asgjë nuk mund ta ndalë vullnetin e mijëra delegatëve demokratëve për të marrë pjesë në Kuvendin e Rithemelimit i cili do shkëpusë përfundimisht Partinë Demokratike nga pazaret Rama – Basha duke ja kthyer atë demokratëve!

Ftojmë të gjithë demokratët dhe delegatët e Kuvendit të bashkohen në Ditëlindjen e Partisë Demokratike për të dalë nga rrethi vicioz i humbjeve dhe për të nisur rrugëtimin tonë drejt FITORES!/E.K-CNA.al





Lajmet e fundit nga