web counter
LEXO PA REKLAMA!

SHKARKO APP

App Store
Google Play

Berisha fton Bashën në Kuvend/ "Duhet të jesh pjesë e rithemelimit të PD"

10 Dhjetor 2021, 15:14, Politikë CNA

Ish kryeministri Sali Berisha ka dalë me një mesazh për të gjithë demokratët një ditë para Kuvendit Kombëtar.

Ai iu ka bërë thirrje delegatëve dhe anëtarëve të jenë të pranishëm nesër në Kuvend për të votuar rithemelimin e Partisë Demokratike.

Gjithashtu ka ftuar publikisht edhe kryetarin e PD, Lulzim Basha të jetë pjesë e Kuvendit Kombëtar për rithemelimin e forcës politike.

“Të dashur delegatë, moti është një faktor që nuk varet nga ne, me gjithë zjarrit që kemi nga brenda sugjerimi me miqësor është të vini të përgatitur me veshjet më të trasha të mundshme për të mos ndjerë të ftohtin. Unë ftoj të gjithë delegatët e PD, drejtues të saj kryesor, duke përfshirë edhe kryetarin e saj Lulzim Basha, të gjithë drejtuesit e deputetët të PD, të gjithë ata që mendojnë ndryshe nga ne, të vijnë nesër në Kuvendin e rithemelimit të forcës sonë politike. Mungesa e tyre nuk i përjashton ata në kontributet e ardhshme në PD.

Ftoj anëtarët e PD që kanë mbështetur lëvizjen për një “Parti Demokratike më të fortë, më të hapur dhe më të bashkuar”, dhe anëtarët e tjerë që e kanë parë me skepticizëm këtë lëvizje, të vijnë nesër në stadiumin Air Albania për të ndjekur këtë moment të rëndësishëm për të vendosur pluralizimin dhe rivendosjen e Partisë Demokratike.

Për delegatët e PD është që ta marrin me vete dokumentin e anëtarësisë dhe kartën e identitetit, ndërsa për ata që nuk janë delegatë ose anëtarë dokumente të tilla nuk janë të nevojshme“, ka thënë Berisha./ A.E-CNA.al





Lajmet e fundit nga