Vendimi i DASH për Berishën/ Escobar mesazh të fortë: Ku janë prokurorët, hetoni

10 Dhjetor 2021, 13:55, Politikë CNA

I dërguari i Posaçëm i SHBA për Ballkanin Perëndimor, ka qënë mjaft i qartë në mesazhet e tij sa i takon situatës politike në vend, por edhe situatën në PD.

Pyetjes së gazetarit Sokol Balla për më shumë transparencë në lidhje me shpalljen non-grata të ish-kryeministrit Sali Berisha, Escobar iu përgjigj duke i drejtuar mesazhe te forta sistemit te drejtesise.

?Ku janë hetuesit vendas dhe prokurorët vendas në raste si këto? Dua të them, ne e bëmë sipas ligjeve tona, rregullave tona, autoriteteve tona. Por edhe ju keni disa në vend. Pra, nëse doni ta dini, hetoni. Nëse doni të dënoni, bëni ndjekje penale. Nëse doni të ndëshkoni, dënoni njerëzit që janë pjesë e këtij korrupsioni sepse kjo nuk ka të bëjë me Amerikën që lufton korrupsionin në Shqipëri, por ka të bëjë me Amerikën që mbështet luftën tuaj kundër korrupsionit. Kjo është pyetja ime?-tha Escobar.

Më tej, duke u ndalur tek mundësia që Berisha të marrë drejtimin e PD, ai la të nënkuptohet se këto janë çështje të brendshme dhe se demokratët duhet të zgjedhin vetë.

?Marrëdhënia jonë është një marrëdhënie e pjekur mes aleatëve. Nuk është në dorën tonë të zgjedhim por të nxisim njerëzit se në cilën rrugë do të ecë Shqiëpria.?

Po ashtu ai tha se ?Ne kemi një politikë për këtë. Por shiko, vërtet dua të flas më shumë për marrëdhënien dypalëshe se sa thjesht për Sali Berishën sepse Shqipëria është më shumë se thjesht Sali Berisha. Ky është një vend vërtet dinamik me shumë mundësi që po tregon udhëheqësi në çdo anë, në NATO, në marrëdhënien dypalëshe dhe tani me Këshillin e Sigurimit, dua të flas për këto, aty po shkon marrëdhënia jonë, aty do të jetë marrëdhënia jonë. Dhe aty duam partnerët tanë të qëndrueshëm të jenë, të gjejnë kush janë udhëheqësit që do ta çojnë Shqipërinë në atë drejtim. Ndaj, vërtet nuk dua të flas për të shkuarën sepse e shkuara është në të shkuarën tashmë, të flasim për të ardhmen dhe le të flasim për mundësitë e jashtëzakonshme që kemi këtu me Shqipërinë. Dhe më lejoni të them diçka tjetër: një nga arsyet pse kjo administratë ka shpenzuar shumë kohë dhe fokus në këtë pjesë të botës është sepse Ballkani Perëndimor janë një mundësi vërtet e jashtëzakonshme për rritje ekonomike, për rritje të partneritetit. Nëse shihni këtë pjesë të botës, është pjesa që rritet më shpejt në Europë. Ka njerëz që janë vërtet të përqendruar tek krijimi i një të ardhmeje më të mirë për njerëzit dhe kjo është ajo për të cilën dua të flas.?/CNA.al