web counter
LEXO PA REKLAMA!

SHKARKO APP

App Store
Google Play

Tre llogari bankare dhe një kredi/ Kjo është pasuria e analistit që u bë deputet

5 Dhjetor 2021, 20:16, Politikë CNA

Pedagogu dhe deputeti Agron Gjekmarkaj është një nga mbështetësit e afërt të Lulzim Bashës.

Pas sulmeve ndaj këtij të fundit, Gjekmarkaj ndryshoi menjëherë ?pllakë? pas sigurimit të një vendi në listën e kandidatëve, që do të pasonte me zgjedhjen e tij deputet në qarkun e Lezhës.

Por në ILDKPI kryetari i Komisionit të Medias ka deklaruar se disponon tre llogari bankare rrjedhëse.

Gjekmarkaj ka deklaruar se në një bankë të nivelit të dytë, deri në 31.12.2020 ka pasur gjendje në llogari 1.345.780 lekë; në një tjetër llogari deklaron se ka në gjendje 1.874.43 lekë, ndërsa te llogaria e tretë bankare disponon 157.33 lekë.

Po ashtu, deputeti i PD deklaron se ka përfituar edhe 500 euro nga shitja e një automjeti tip audi A6 në datën 10.09.2020.

Gjekmarkaj në ILDKPI ka bërë të ditur edhe blerjen e një pasurie të paluajtshme, me një deklaratë doganore që mban datën 09.09.2020 me vlerë 7 mijë euro.

Ndërsa sa i takon të ardhurave, Gjekmarkaj ka deklaruar pagën mujore si zv.dekan pranë Fakultetit Histori-Filologji 1.197.501 lekë, honoraret si anëtar i AMA-s 707.778 lekë dhe honoraret mujore nga shkrimet dhe analizat në Gazetën Panorama.

Në deklarimin e tij, Gjekmarkaj deklaron se ka edhe një kredi shtetërore për apartamentin ku jeton. Deri tani ai ka shlyer 116.432.21 lekë dhe i ka ngelur edhe 3.649.950.56 lekë.

Të ardhurat e Agron Gjekmarkajt:

Paga mujore si zv.dekan pranë Fakultetit Histori-Filologji 1.197.501 lekë

Honoraret si anëtar i AMA-s 707.778 lekë

Honoraret mujore nga shkrimet dhe analizat në Gazetën Panorama./E.K-CNA.al





Lajmet e fundit nga