web counter
LEXO PA REKLAMA!

SHKARKO APP

App Store
Google Play

E fundit!

x

“Vota e lirë është ADN e shtetit ligjor”/ Berisha: Opozita e deformoi, ndoqi modelin e kundërshtarit

5 Dhjetor 2021, 17:11, Politikë CNA

Ish kryeministri Sali Berisha u shpreh se synimi i Foltores është rikthimi i vlerave dhe ligjeve në vend.

Gjatë fjalës së tij në takimin me shqiptarët në SHBA, Berisha u shpreh se vendi ka ngelur pa opozitë dhe se sipas tij, kjo e fundit ka ndjekur modelin e kundërshtarit politik, deformimin e votës së lirë brenda partisë.

Lideri i demokratëve theksoi se pas 30 viteve, Shqipëria i është dorëzuar krimit, që ka pushtuar çdo rrugë e institucion.

?Sot pas 30 vitesh, shteti ligjor në Shqipëri është zëvendësuar me shtetin e kapur nga klanet e fuqishme të drogës, krimit. Ato vendosin sot, kudo, në rrugë, institucione, Parlament dhe qeveri. Për shqiptarët, alternativë e vetme sigurie për jetën ka mbetur largimi i tyre nga Shqipëria. Sot ata paguhen më pak se të gjithë popujt e ballkanit.

Shqiptarët kanë humbur votën e lirë. Prej 8 vitesh, shoqëria shqiptare voton, narkoqeveria shqiptare numëron votat. Opozita shqiptare në pamundësi të plotë nuk arriti asnjë herë të imponojë zgjedhje të lira dhe të ndershme. Bëri të kundërtën, ndoqi modelin e kundërshtarit, armik të votës. Deformoi votën në PD. Vota e lirë është ADN e të gjitha vlerave të tjera të lirisë, është ADN e shtetit ligjor. Ndaj kjo lëvizje, e cila synon t?i japë vendit një opozitë të vërtetë, të qëndrojë fuqishëm para regjimit, një opozitë që të ngjall shpresë e besim. Natyrisht, me qëllimin e saj të çmontojmë narko shtetin dhe të rikthejmë ligjin dhe vlerat konservatore?, tha Berisha./CNA.al

 





Lajmet e fundit nga