web counter
LEXO PA REKLAMA!

SHKARKO APP

App Store
Google Play

“11 dhjetori test inteligjence”/ Altin Goxhaj mesazh mbështetësve të Bashës

5 Dhjetor 2021, 19:13, Politikë CNA

Avokati Altin Goxhaj ka ironizuar kreun e PD, Lulzim Basha dhe mbështetësit e tij, duke theksuar se çdo mbajtje ane pro tij është një proces idiot vetëvrasës politikisht.

Më tej Goxhaj ka theksuar se në 11 dhjetor lideri historik, Sali Berisha merr partinë dhe se Qeveria po i frikësohet çdo ditë këtij formati.

?11 dhjetori si test inteligjence. Është shumë e thjeshtë për të testuar inteligjencën e lulzimsave të mbetur ende të patretur dhe të atyre që po bëjnë ?të paanshmin? duke mos shkuar në Kuvendin e 11 Dhjetorit:

Luli nuk i merr dot votat e mbështetësve të Berishës. Që janë shumë çdo ditë dalin prova me video nga prononcimet e tyre.

Berisha merr partinë në 11.

Nëse i bën punët siç duhet PD rithemelohet nga e para dhe nëse zbaton parimet demokratike mund të bëhet një parti konkuruese për fitoret në Zgjedhje të cilat edhe mund ti afrojë.

E sigurtë është që Qeveria po i frikësohet çdo ditë këtij formati dhe aparati represiv i diktaturës po frikësohet çdo ditë nga polici më i thjeshtë e deri te prokurori më i lartë, nga tatimorët e deri te inspektorët, nga INUKsat e deri te fuksat.

Pra nëse i bëjnë punët siç duhet edhe mund të fitojë edhe Zgjedhjet. Pra i ka mundësitë. Pra opsionet janë të shumta dhe gjithshka do të varet nga aftësia për të mos bërë gabimet dhe pisllëqet e të shkuarës.

Ndërsa me Lylin ka veç një opsion: e sigurtë është veç kalimi nga humbja në humbje, dhe fuqizimi i diktaturës së pushtetit dhe vazhdimi i shpopullimit të plotë të Shqipërisë.

Shkurt, çdo mbajtje ane pro Lulit është veç një proçes idiot vetëvrasës politikisht.

Por po ashtu edhe ?paanësia? duke mos shkuar në 11 Dhjetor dhe as 18 Dhjetor, është e njëjta gjë si të rrish pa bërë asgjë në një varkë që po fut ujë.. thjesht i bie të presësh mbytjen dhe jo të japësh kontributin tënd për të nxjerrë ujin jashtë.

Ndaj 11 Dhjetori është edhe një test inteligjence politike dhe qytetare.

Përfundimet nxirrini vetë?, shkruan Goxhaj në rrjetin social Facebook./B.H.-CNA.al





Lajmet e fundit nga