web counter
LEXO PA REKLAMA!

SHKARKO APP

App Store
Google Play

“Zemra plot nga salla e tejmbushur”/ Këlliçi: Foltorja ka sjellë vlera të mëdha

5 Dhjetor 2021, 17:59, Politikë CNA

Nga Foltorja me demokratët në New Jersey, deputeti i PD, Belind Këlliçi ka renditur arsyet se përse Foltoret e liderit historik kanë sjellë vlera të mëdha.

Më tej ai ka dhënë shembullin e tre të rinjve, dikur pjesë e strukturave të PD në Shqipëri, të cilët kanë emigruar, për shkak të keqqeverisjes së Edi Ramës.

“Foltoret e ngritura këto dy muaj kanë sjellë vlera të mëdha. Na ka bërë të jemi sërish krenarë që jemi pjesë e PD dhe krenarë që ende vijojmë të jemi e vetmja alternativë qeverisëse anti-komuniste. 

Për këtë i jam mirënjohës Berishës. E kam zemrën plot teksa shoh këtë sallë të mbushur plot. Foltorja ka sjellë një tipar që mungonte prej kohësh në PD, të vërtetën.

Foltorja e organizuar nga Berisha na ka bërë krenarë për PD-në dhe trashëgiminë e Partisë Demokratike. Jam krenar që Bekim Bruka, Ina Haxhia, Enea Dradha, Klajdi Roshi, Genti Minarolli, pashë drejtues të forumit rinor ndër vite që ndjekin ëndrrën e tyre në Amerikë. Tre prej tyre, Zekri, Ina dhe Enea sot janë bërë prindër.

Kur ishin në Shqipëri gjatë këtyre tetë viteve, ëndërronin të zhvillonin jetën në Shqipëri, por keqqeverija e Ramës i largoi nga Shqipëria. Ata sot zhvillojnë jetën në SHBA. Unë do doja që të rinjtë shqiptarë që kanë ikur në Amerikë, të vijnë këtu e të bëjnë Amerikë Shqipërinë. Nuk ka ndjenjë më të bukur se të jesh pjesë e PD, që ka bërë pjesën më të bukur politike të Shqipërisë post-komuniste?, deklaroi Këlliçi./CNA.al





Lajmet e fundit nga