E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Historia e logos së PD/ Si Basha arriti të shkatërrojë kalanë e brendshme të partisë

3 Dhjetor 2021, 19:44, Politikë CNA

Ish nënkryetari i FRPD, Lisandër Hoxha ka deklaruar se me 11 Dhjetor do të shporren njëherë e mirë patericat e Edi Ramës nga Partia Demorkatike.

Përmes një statusi në rrjetet sociale, Hoxha shkruan se, pabesia e Lulzim Bashës ndaj demokratëve dhe liderit historik të PD, Sali Berisha është akti i fundit i një mishi të huaj brenda trupit të PD

Hoxha thekson se PD është një thesar vlerash të cilat nuk mund të tjetërsohen përvetësohen apo të jepen si kolateral të tretëve.

Gjithashtu nënvizon se, nuk mendohej kurrë shitja e kalasë nga brenda, nga kupola e saj me 25 Prill.

?Partia Demokratike dhe, në veçanti Sali Berisha, kanë qenë për 30 vite në sulme të vazhdueshme. Demokratët kanë rezistuar në kushte të jashtëzakonshme persekutimet e kundërshtarëve politik, duke treguar një forcë dhe qëndresë epike përball vështirësive.

Secili prej nesh ka historinë dhe veprën e tij nën logon e madhe të PD.

Ajo që nuk mendohej kurrë ishte shitja e kalasë nga brenda, nga kupola e saj me 25 Prill.

Pabesia e Lulzim Bashës ndaj demokratëve dhe liderit tonë, Sali Berisha, ishte jo vetëm shokuese dhe e papritur, por ishte akti i fundit i një mishi të huaj brenda trupit te PD.

Demokratët e dinë mirë se rrugëtimi i forcës tonë politike ka qenë i dhimbshëm dhe me kosto, por gjithmonë kemi triumfuar, pasi kemi ditur të tregojmë moral dhe dinjitet.

Sot, pas 30 vitesh rrugëtim politik, jemi përballë një sekti burokratësh dhe teknokratësh që e mendojnë veten pronar të fateve tona politike.

Pas 30 vitesh kemi një çete juristësh, që nuk e dinë se kjo forcë politike është ngritur mbi gjakun e dëshmorëve dhe djersën e pishtarëve të demokracisë.

Partia Demokratike është një thesar vlerash të cilat nuk mund të tjetërsohen, përvetësohen apo të jepen si kolateral të tretëve.

Ne jemi të lirë që prej ditës së parë të krijimit të kësaj force dhe do të jemi të lirë deri në fund.

Me 11 Dhjetor, demokratet do te votojne lirisht per te ardhmen e forces tone politike. Vendimet e Kuvendit Kombetar do te percaktojne te ardhmen e Partise Demokratike duke hapur nje epoke te re per te djathten shqiptare.

Me 11 Dhjetor marrim ne dore fatin e forces tone politike dhe shporrim nje here e mire patericat e Rames nga Partia Demokratike.

Demokratet jane te bindur se me 11 Dhjetor fillon fundi i stabilokracise Rama-Basha.

Shqiperia duhet te kete zgjedhje te parakoheshme, pasi per Edi Ramen nuk ka me pazar me sakrificen e demokrateve, siç u be per 8 vite.

Me 11 Dhjetor fillon ndryshimi!

Liri&Demokraci?, shkruan Lisandër Hoxha./ CNA.al