web counter
LEXO PA REKLAMA!

SHKARKO APP

App Store
Google Play

Vasili akuza Bashës/ “Peng i dyfishtë për interesat financiare dhe dosjet penale”

3 Dhjetor 2021, 16:47, Politikë CNA

Nënkryetari i Lëvizjes Socialiste për Integrim, Petrit Vasili ka akuzuar kryetarin e PD, Lulzim Basha se është peng i dyfishtë i interesave financiare dhe interesave që kanë të bëjnë me probleme dosjesh, probleme penale që janë të pazgjidhura.

?Nuk e di sa i humbur ka dalë Basha se i ka lënë me vullnetin e tij dhe me dëshirën e tij çdo gjë. Duke lidhur këmbët dhe duart edhe për 25 prillin i cili u konsiderua masakër zgjedhore, por nuk u lëviz as gishti, do të thotë se ka edhe çështjet dhe interesa të tjera të cilat e mbajnë të lidhur pas Edi Ramës, që edhe humbjen ta përjetojë si një gjë normale sepse interesat e tij personale janë shumë të rrezikuara dhe si të tilla çdo betejë kundër Ramës do të rezultonte e dështuar sepse duke mbetur peng i këtyre interesave të dyshimta do të ishte pamundur që të lëvizte gishtin. Është një peng i dyfishtë i interesave financiare dhe të interesave që kanë të bëjnë me probleme dosjesh, probleme penale që janë të pazgjidhura që e bëjnë të pamundur që të shikojë interesat e shqiptare?, ka thënë Vasili në një intervistë për media.

Vasili ka theksuar se LSI ka shkëputur marrëdhëniet me Bashën pas me veprimet e tij ka treguar se nuk ka qenë në sinkron me interesat e opozitës.

?Ne kemi një ndarje shumë të qartë dhe të prerë me Bashën, i cili në të gjithë veprimet e tij nuk ka qenë asnjëherë në sinkron në interesat e opozitës?, është shprehur Vasili./ CNA.al





Lajmet e fundit nga