web counter
LEXO PA REKLAMA!

SHKARKO APP

App Store
Google Play

E fundit!

x

Milani kërkon të përfitojë nga supersfida Napoli-Lazio, Roma pret Torinon

28 Nëntor 2021, 11:02, Sport CNA

Do të luhen sot edhe ndeshjet përmbyllëse të javës së 14-të të Serie A. Takimet e kësaj të diele do t?i hapë sfida Udinese-Genoa. Të dyja ekipet vijnë nga një humbje në ndeshjen e fundit, me Andriy Shevchenkon që kërkon fitoren e parë në Serie A.

Në drekë, Milani kryesues do të presë në San Siro, Sassuolon në orën 15:00. Pioli kërkon ta festojë me një fitore rinovimin e kontratës, por njëkohësisht do të hedhë pas krahëve humbjen në ndeshjen e fundit në kampionat. Fitorja e madhe kundër Atletico Madrid në mesjavë i ka motivuar edhe më shumë kuqezinjtë që ndodhen tashmë nën presionin e Interit vetëm 1 pikë larg. Në këtë sfidë për Milanin kthehet portieri Maignan që ka qenë larg fushave për shkak të një dëmtimi në dorë.

Po në orën 15:00 do të luhet edhe Spezia-Bologna. Të dyja ekipet janë të zhgënjyera nga rezultatet e fundit dhe kërkojnë tre pikët. Ndërkohë sulmuesi shqiptar Rey Manaj pritet ta nisë përsëri nga stoli.

Në orën 18:00, Roma do të presë në shtëpi Torinon. Fitorja e fundit kundër Genoas i ka dhënë shpresë Mourinhos dhe fitorja është objektivi i vetëm për këtë ndeshje.

Ndërkohë java mbyllet me supersfidën Napoli-Lazio që do të luhet në orën 20:45. Humbja ndaj Interit dhe mungesat e shumta dhe të rëndësishme te Napoli, i japin më shumë shpresë Lazios për një rezultat pozitiv. Megjithatë, Napoli kërkon të ruaj kreun dhe mos humbasë terren ndaj Milant që ndodhet në krye bashkë me të me pikë të barabarta.





Lajmet e fundit nga