web counter
LEXO PA REKLAMA!

SHKARKO APP

App Store
Google Play

“Rama dhe Basha kanë bërë aktin më të rëndë”/ Ish-presidenti: Është i pafalshëm

24 Nëntor 2021, 08:42, Politikë CNA

Ish-presidenti Bujar Nishani ka hedhur akuza të forta ndaj kreut në detyrë të PD-së, Lulzim Basha dhe kryeministrit Edi Rama.

Në një postim në rrjetet sociale, Nishani shkruan se Rama dhe Basha kanë bërë aktin më të rëndë prej pushtetarësh në periudhën post diktatoriale të Shqipërisë.

Sipas Nishanit, Edi Rama dhe Lulzim Basha kanë organizuar e tentuar asgjesimin e alternativës politike në Shqipëri, dimensionin real të pluralizmit politik.

?Edi Rama dhe Lulzim Basha kanë bërë një akt shumë të rëndë !

Më i rëndi i bërë prej pushtetarësh në periudhën post diktatoriale të Shqipërisë.

Më të rëndë se paaftësia, më të rëndë se korrupsioni, më të rëndë se mashtrimi !

Edi Rama dhe Lulzim Basha kanë organizuar e tentuar asgjesimin e alternativës politike në Shqipëri, dimensionin real të pluralizmit politik.

Bashkëpunimi mes tyre në këtë akt, e rëndon edhe më shumë peshën e dëmit dhe përgjegjësisë që ju takon të paguajnë.

Ky akt i rëndë qëndron jo thjesht tek fakti se u ideua, planifikua dhe nisi kundra Partisë Demokratike të Shqipërisë, e cila pëfaqëson gjysmën e elektoratit shqiptar, por më së shumti tek malinjiteti i modelit të ?fasadë opozitës?, të opozitës në mëshirën e fatit që cakton pushteti, të konceptit se shqiptarët janë qënie të ?klasit të dytë?.

Ky akt i ulët është i pafalshëm !

Të ringremë PD, që të shpëtojmë Shqipërinë !?-shkruan Bujar Nishani./CNA.al





Lajmet e fundit nga