web counter
LEXO PA REKLAMA!

SHKARKO APP

App Store
Google Play

E fundit!

x

Berisha u kërkoi dorëheqjen/ Reagojnë Bardhi dhe 4 nënkryetarët

23 Nëntor 2021, 19:42, Politikë CNA

Sekretari i Përgjithshëm, Gazment Bardhi dhe 4 nënkryetarët e PD kanë reaguar pas akuzave dhe thirrjes së liderit historik, Sali Berisha, që ata të japin dorëheqjen për shkak se nuk janë zgjedhur konform rregullave dhe statutit të PD.

Ata theksojnë se janë të vendosur të refuzojnë shkeljen e statutit për interesa personale të Sali Berishës dhe izolimin e Partisë Demokratike.

?Prej disa ditëve, për shkak të qëndrimit tonë në mbrojtje të demokratëve dhe interesit të Partisë Demokratike, z. Sali Berisha ka nisur një fushatë të padenjë sulmesh ndaj Nënkryetarëve dhe Sekretarit të Përgjithshëm të PD. 

Me keqardhje, përsëritet kërkesa që ne duhet të braktisim Partinë Demokratike dhe demokratët, dhe të bëhemi bashkë me Sali Berishën kundër partisë.

Secili prej nesh është i vendosur të refuzojë shkeljen e Statutit për interesa personale të Sali Berishës dhe izolimin e Partisë Demokratike. Kërkesa e z. Berisha nuk ka asnjë lidhje me PD, asnjë lidhje me standartet demokratike, asnjë lidhje me hallet dhe problemet e demokratëve.

 Demokratët kanë 8 vite që përballen me dhunën dhe terrorin e Edi Ramës, me krimin dhe bandat e tij dhe nuk jemi sprapsur as kthyer nga rruga për t?i shërbyer Shqipërisë dhe shqiptarëve. Ne e kemi për detyrë të jeni krah tyre.

Asnjë intimidim nuk do të ndikojë në qëndrimin tonë në krah të demokratëve, për një parti që u shërben atyre dhe jo që kthehet në mburojë të interesave personale të Sali Berishës, aleatëve të tij dhe cilitdo tjetër?, thuhet në deklaratën e tyre zyrtare./CNA.al





Lajmet e fundit nga