web counter
LEXO PA REKLAMA!

SHKARKO APP

App Store
Google Play

E fundit!

x

Detaje nga aksidenti me 45 të vdekur/ Dyshimet e para, tejkalim i shpejtësisë dhe gabimi i shoferit

23 Nëntor 2021, 11:09, Kosova & Bota CNA

Janë zbardhur detaje nga aksidenti tragjik në Bullgari që mori jetën e 45 personave.

Sipas raportimeve dyshohet se tejkalimi i limitit të shpejtësisë dhe shpërqendrimi i shoferit ka shkaktuar aksidentin tragjik në Bullgari.

?Nuk duhet thënë, pamja është e frikshme, ata u hodhën nga dritarja e pasme në anën e djathtë të autobusit?, tha sekretari i Këshillit të Sigurisë Rajonale të Pernikut, Vasko Pirgov për BTV.

Sipas tij, mjeti është ndalur në një pikë karburanti, e cila është vetëm 20 minuta larg vendit të ngjarjes. Pirgov thotë shoferi me siguri po lëvizte me shpejtësi mbi 100 km/h dhe gabimi i tij ishte se po lëvizte në korsinë e djathtë.

?Fillimisht autobusi goditi gomën e parë djathtas në një shenjë që fluturoi 45 metra përpara. Rruga ishte e përsosur dhe autobusi nuk ka rrëshqitur, thjesht shoferi nuk ka reaguar siç duhet. Me shumë mundësi ka pasur fërkim metal-metal që krijoi shkëndijat duke sjellë më pas edhe zjarrin?, theksoi ai.

Sipas policisë, zjarri filloi nga pjesa e përparme e autobusit ndërsa në gomat rezervë mësohet se kishte tuba vaji, të cilat kanë shkaktuar përhapjen e zjarrit. Kjo u zbulua nga fakti se rruga ishte e mbushur me vaj.

Sipas Vasko Pirgov, shumica e viktimave ndoshta janë asfiksuar. ?Mendoj se në 2-3 minuta autobusi u dogj?, tha ai ndërsa bëri me dije se pjesa e përparme e autobusit është djegur plotësisht, aq sa është shkrirë edhe llamarina./ CNA.al





Lajmet e fundit nga