web counter
LEXO PA REKLAMA!

SHKARKO APP

App Store
Google Play

EMA rekomandon përdorimin e pilulës anti-COVID Merck

20 Nëntor 2021, 07:57, Kosova & Bota CNA

Rregullatori i barnave të Bashkimit Evropian këshilloi të premten marrjen e një pilule anti-COVID të prodhuar nga kompania amerikane Merck.

Agjencia Evropiane e Barnave sqaron se kjo pilulë duhet të jepet brenda pesë ditëve nga simptomat e para për të trajtuar të rriturit që nuk kanë nevojë për mbështetje për oksigjen dhe janë në rrezik të përkeqësimit të sëmundjes së tyre.

Nga autoriteti europian shëndetësor këshillohet se pilula, e zhvilluar së bashku me Ridgeback Biotherapeutics, duhet të merret dy herë në ditë për pesë ditë me radhë, por këshillohet të mos përdoret gjatë shtatzënisë dhe tek ato gra që planifikojnë të mbeten shtatzënë.

EMA filloi një rishikim të vazhdueshëm të tabletit Merck, muajin e kaluar dhe të premten gjithashtu filloi të shikonte të dhënat për një pilulë rivale nga Pfizer për të bërë rekomandime për përdorimin e tij.

Të premten, rregullatori tha gjithashtu se ushqyerja me gji duhet të ndërpritet gjatë kohës së trajtimit me Merck?s Lagevrio.

Më 1 tetor, kompania tha se pilula e saj zvogëlon 50 për qind rrezikun për sëmundje të rëndë, nëse terapia merret për pesë ditë.

Ilaçi është krijuar për të futur gabime në kodin gjenetik të virusit që shkakton COVID-19. Vendimi i EMA erdhi pasi Mbretëria e Bashkuar u bë vendi i parë në botë që dha dritën jeshile të pilulës molnupiravir.

Merck ka kërkuar gjithashtu që pilula të përdoret në Shtetet e Bashkuara të Amerikës./euronews





Lajmet e fundit nga