web counter
LEXO PA REKLAMA!

SHKARKO APP

App Store
Google Play

Berisha do mbaj Kuvendin në 11 dhjetor/ Ja çfarë do të bëj Basha në selinë e PD

19 Nëntor 2021, 20:14, Politikë CNA

Kreu i Partisë Demokratike Lulzim Basha vijon të jetë i bindur se Kuvendi i PD do të mbahet në 18 dhjetor. Në një intervistë për emisionin ?Pa Protokoll? në Report Tv, Basha deklaroi se në 11 dhjetor do të ketë festë, pasi është dita e themelimit të partisë.

Sipas tij, Berisha po përzien partinë me betejën e tij personale që ka me SHBA.

?Unë nuk dua të harxhoj asnjë sekondë tuajën apo të teleshikuesve tuaj me të tilla supozime pa baza. Më 18 dhjetor PD-ja ka Kuvendin e saj Kombëtar, një kuvend i cili thirret në një rrethanë të imponuar nga zoti Berisha, i cili pasi u shpall non grata nga SHBA-ja, u angazhua para demokratëve dhe të gjithë shqiptarëve, se nuk do ta përfshinte PD-në në një betejë personale dhe ligjore me qeverinë e SHBA-së.

Nuk kam ndër mend të komentoj zotin Berisha, siç nuk kam bërë gjithë këto kohë sepse e konsideroj jo vetëm një gjë të padobishme, por edhe të dëmshme. Këta dy muaj kam provuar se zoti Berisha ka dy interesa: të përdorë PD-në për t?u mbrojtur nga vendimi non grata i SHBA-së dhe, në funksion të kësaj, të përçajë PD-në duke shkelur kështu zotimin që ka dhënë se nuk do ta përdorte PD-në dhe grupin parlamentar të PD-së në betejën që nuk e ka as me mua, as me ndonjë demokrat tjetër, por e ka me SHBA-në.

Është dita e themelimit të PD-së, në të cilën PD-ja do të organizojë si përherë, ditën e saj për të bashkuar

Asnjëherë PD-ja nuk ka zhgënjyer dhe nuk ka lënë në harresë ditën e themelimit të saj, që përkon jo më kot me triptikun e rrëzimit të diktaturës, pra të një regjimi njëpartiak, të shpalljes së pluralizmit dhe të lindjes së PD-së. Janë të pandara nga njëra-tjetra. Do të jenë të pandara këtë vit dhe çdo vit, por nuk do të jenë në funksion as të agjendës sime personale, aq më pak të agjendës personale apo interesave personale për t?u përdorur si mburojë kundër aleatit tonë strategjik, SHBA-së?, tha Basha./CNA.al





Lajmet e fundit nga