Lulzim Basha me slogane kineze/ "Një parti, një Kuvend"

17 Nëntor 2021, 11:48, Politikë CNA

Kryetari i përkohshëm i PD, edhe për disa javë në detyrë, Lulzim Basha në përpëlitjet e tij të fundit për të dorëzuar vulën, pasi partinë ia ka marrë tashmë ?Foltorja?, po përpiqet të bëjë disa lëvizje të cilat tregojnë se Luli nuk zhgënjen kurrë.

Pra, është i njëjti, me të njëjtin formë, përmbajtje, pa asnjë ndryshim.

Është Lulzim Basha që “kërcet dhëmbët”, siç i kërciti me Teatrin, me Rrugën e Kombit, me futjen e Fatmir Xhafajt në zyrën e ministrit të Brendshëm, ku trupi i tij do të bëhej pengesa kryesore.

Në fakt u kthye në trupin e një ?prostitute politike?, dhe asgjë më shumë sesa kaq.

Përtej saj, Lulzim Basha ka filluar të trashë dhe zërin, ashtu siç kërcënonte me djegien e mandateve, bojkotin e zgjedhjeve, se do të digjte Shqipërinë, e të tjera si këto.

Sërish ai dje ngriti zërin në Kuvend dhe bënte si trim. Më pas thirri dhe Kryesinë për të gjetur një datë tjetër Kuvendi.

Nuk i pëlqente 11-ta, dhe e vuri 18. Sepse nuk i pëlqen data e themelimit të PD, por do datën që të identifikohet me të.

Lulzim Basha ka theksuar se ?Do të kemi një parti, dhe një Kuvend?.

Një slogan ky si në Kinë. Vetëm Kina ka një parti dhe një Kuvend.

Sepse Lulit tani i duket se do të ketë një parti dhe dy Kuvende, apo dy parti dhe dy Kuvende. Terma si këto.

Në fakt Partia Demokratike, anëtarët e saj kanë firmosur. Dhe Lulzim Basha jo për 4200 apo për 5 mijë, por edhe qoftë për 200 apo 300 firma, qoftë edhe për 100 apo 200 persona të tjerë që Sali Berisha dhe Foltorja janë mbledhur në gati 20 takime, duhet të ishte aty.

Dhe ajo që duhet të kuptojë është pikërisht kjo. Aty ku janë njerëzit shkon lideri. Nuk janë njerëzit që shkojnë tek lideri.

Pra, janë qytetarët që kanë shkuar, janë mbledhur dhe kanë thirrur liderin. Janë anëtarët e partisë, janë militantë, qofshin ato firma dhe jo të një njeriu që është pjesë e Kuvendit. Qofshin dhe 50 firma falso. Mjafton që po mblidhen anëtarët e Partisë Demokratike, drejtues të strukturave. 50 plus një, apo 50 pa një, kjo ka pak rëndësi.

Rëndësi ka që demokratët mblidhen dhe Lulzim Basha të mos përdorë ndaj tyre slogane kineze, por të shkojë atje ku mblidhen demokratët. Sepse kështu duke zgjedhur versionin kinez ?Një parti, një Kuvend?, ?Hajde popull atje ku jam unë?, nuk ka për të fituar kurrë dhe është një humbës i madh.

Kështu ka humbur në këto tetë vite dhe mesa duket nuk e ka kuptuar atë që ka bërë. Vazhdon të ecë përpara në ?çmendurinë? e tij politike.

Lulzim Basha po kërkon që me slogane kineze, ?një parti, një Kuvend?, ti mbledhë njerëzit kur do ai, ku do ai dhe siç do ai.

Në fakt Partia Demokratike do të mblidhet kur duan demokratët, ku duan demokratët dhe siç duan demokratët.

Dhe sloganet kineze, ?një parti, një Kuvend?, thjeshtë dhe vetëm tregojnë kinezerinë e Lulzim Bashës./CNA.al