web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj i jep detyrë Marashit të bëjë kallëzime penale të reja

17 Nëntor 2021, 16:04, Politikë CNA

Sot ishte seanca e rradhës e Komisionit Hetimor për Zgjedhjet e datës 25 Prill.

Një listë e gjatë me institucione që nuk e kanë marrë seriozisht hetimin që kërkon të bëjë Alibeaj dhe Komisioni i kërkuar nga PD e Lulzim Bashës.

Injorimi nga institucionet ishte evident, por sidoqoftë Alibeaj ka habitur të gjithë pasi ndryshe nga ajo që kërkon të shfaqet si njeri i ftohtë që e ka gjithmonë situatën në kontroll, sot gjatë gjithë mbledhjes ka folur e ka  kërcënuar me kallëzime penale të gjithë ata që nuk e kanë marrë seriozisht Komisionin që Alibeaj e drejton sipas një rregulloreje që nuk dihet se ku është shkruar.

Megjithëse ende nuk kishte kaluar afati zyrtar për dorëzimin e materialeve të kërkuara, Alibeaj kërkonte hartimin e kallëzimeve penale!

Ja kërkonte Marashit me siguri, se nuk kuptohet se kujt ja kërkonte Alibeaj hartimin e kallëzimeve për vepra që ekzistojnë në Kodet e shkruara nga Alibeaj, për shkelje afatesh që janë në rregulloret e hartuara nga autorë të panjohur.

Në fund të mbledhjes, kur për shkak të fjalive hemorroidike të Alibeajt, kishin ikur një e nga një më shumë se gjysma e anëtarëve të Komisionit, Alibeaj fliste:

?Nëse në orën 16.00 të ditës së sotme pas kontrollit që sekretaria do të bëjë në protokollin e Kuvendit do të rezultojë që ka ende përgjigje të paardhura, do të konsiderohet që ky detyrim ligjor ndaj Kuvendit të Republikës, nuk është përmbushur dhe duke qenë i tillë së paku të reagojmë për të paraqitur kallëzim penal për shpërdorim detyre ndaj këtyre institucioneve që nuk i janë përgjigjur këtij detyrimi ligjor”.

Nuk kuptohet nëse Alibeaj kërkoi kallëzim penal edhe për Gaz Bardhin, sepse as PD nuk i kishte përcjellë Alibeajt informacionin e kërkuar.

Por nga seanca e sotme e atij që u nis si Komision Hetimor e po shkon për dreq, mbase kuptuam se pse PD humbi zgjedhjet!

Gjatë gjithë fushatës e vetmja gjë që bëri PD ishte hartimi i kallëzimeve penale.

Thasë me kallëzime penale u mbushën në të gjitha qarqet.

Çdo ditë në TV Alibeaj dhe Gaz Bardhi sinjalizonin kallëzimet e reja që kishin shkruar.

Kaq shume kallëzime penale hartonin në ditë, saqë dukej e vështirë që të kishin pasur kohë për fushatë.

Mali i kallëzimeve penale mbiu në sytë e shqiptarëve.

Por PD nuk fitoi.

Veshtirë të besojmë se PD do fitojë gjë nga këto kallëzimet e reja që po kërkon Alibeaj!/CNA.al





Lajmet e fundit nga