web counter
LEXO PA REKLAMA!

SHKARKO APP

App Store
Google Play

E fundit!

x

Basha merr në mbrojtje Tabakun/ Zonja është doktoreshë shkencash

15 Nëntor 2021, 10:54, Politikë CNA

Kryetari në detyrë i Partisë Demokratike, Lulzim Basha ka reaguar pas fjalës së kryeministrit Edi Rama, I cili ironizoi nënkryetaren e PD, Jorida Tabaku.

Basha akuzoi Ramës se po fyen një zonjë të Kuvendit, për të cilën tha se është një doktoreshë shkencash.

Po ashtu Basha iu drejtua edhe kryeparlamentares Lindita Nikolla, duke thënë se ?po lejon standarte të dyfishta?.

?Para se ti përgjigjem me shifra dhe me fakte konkrete të konfirmuara, jo nga tigrat e gënjeshtrës që mban afër por nga institucione ndërkombëtare, dua zonja drejtuese e kësaj seance të ju them që standartet e dyfishta për sa i përket sjelljes në këtë sallë nuk duhet të aplikoni.

Ështe e disata herë që ky njeri vjen këtu dhe fyen individualisht dhe në grup opozitën. Dhe, kush fyen? Dhe kë fyen? Zonja të cilës iu referove është doktoreshë shkencash kur ti bridhje poshtë urave të Parisit. Është specializuar në një nga 30 universitetet më të mira të botës në ekonomi, në Angli. Ku ti ofroje shërbime në Gare du nord. Po po nga ato të pataksuarat. Kujdes ku matesh me ne. Kujdes kur matesh me ne sepse ta ka thënë paraardhësi yt sesi të ka sjellë këtu.

Kujdes kur matesh me ne sepse jemi gjeneratë tjetër ne. Vijmë nga universitetet më të mira të Europës. Ajo që na ka kthyer është dëshira për ti shërbyer vendit. Nuk vijmë nga muri mbrapa i Gare du nord për ti bërë këtij vendi atë që i ke bërë ti. Gropa i Hajdin Sejdisë është simboli yt. Dhe ti je prodhimi i gropës së Hajdin Sejdisë së kësaj shoqërie në kuptimin figurativ. Prandaj, mati mirë krahasimet. I ke hip kalit të lartë me taksat, djersën dhe votat e vjedhura të shqiptarëve dhe të duket vetja kushedi se çfarë të duket. Se ata që të takojnë për protokoll nuk ti thonë ato që mendojnë.?-iu drejtua Basha, Ramës./CNA.al





Lajmet e fundit nga