E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Kosova “shuplakë” klasës politike në Shqipëri/ Olli tregon mësimin që duhet të nxjerrim

15 Nëntor 2021, 09:43, Politikë CNA

Anëtari i Bordit Drejtues të Bindjes Demokratike, Leonard Olli ndërsa reagon në lidhje me zgjedhjet e një dite më parë në Kosovë, thekson se kjo duhet të shërbejë si një leksion i fortë për politikën shqiptare.

Në një postim në rrjetet sociale, Olli i cilëson si hipokrizi deklaratat e politikanëve shqiptarë që vlerësojnë zgjedhjet në Kosovë, ndërkohë që në Shqipëri janë po këta politikanë që kanë shkatërruar gjithçka nga themeli.

Më tej, Olli thekson se vëllezërit kosovarë po na japin një mësim që duhet të shërbejë si pikë referimi dhe orientimi, jo thjesht për politikën, por për kurajën qytetare.

?Zhvillimet politike në Kosovë, edhe në këto zgjedhje vendore, tregojnë qartas dhe dëshmojnë në mënyrën me elokuente të mundshme se njerëzit e lirë japin verdikte të lira dhe të pagabueshme!

Njerëz që nuk kërcënohen apo shantazhohen nga frika e ndëshkimit të pushtetit! Po, ashtu Kosova është një leksion i shkëlqyer antibipartizanizëm të instaluar me dhunë, e të pranuar me dhe pa dëshirë në këto trojet tona të mëposhtme….

Dhe jo vetëm që nuk u ka ndodhur ndonjë dramë, por përkundrazi përmirësojnë çdo ditë nivelin e tyre të përfaqësimit politik, demokratik dhe funksional, të mohuar me sistem dhe Kushtetutë në Shqipëri, duke prodhuar një masë votuesish të çorinetuar dhe dorëzuar krejtësisht.

Ndërkohë, pjesa më e bukur është kur politikanët tanë vlerësojnë Kosovën, a thua se nuk janë ata që kanë shkatërruar nga themeli gjithçka këtu, pra të vetmit përgjegjës! Hipokrizia dhe shtirja nuk kanë fund! Ah, se mos harroj: ndëshkimi politik i Kurtit nuk erdhi se ishte i zënë me punët e shtetit, por pikërisht nga e kundërta, se nuk po i bënte punët e shtetit ashtu siç kishte premtuar e si duhej, sipas gjykimit të votuesve! Një vlerë e shtuar kjo për çdo qytetar me të drejtë vote në Kosovë! Tashma vellezërit tanë, po na shërbejne si pikë referimi dhe orientimi, jo thjesht për politikën, por për kurajën qytetare që duhet të gjejmë edhe ne të vendit “amë”….! Keep going!?-shkruan Leonard Olli./CNA.al