web counter
LEXO PA REKLAMA!

SHKARKO APP

App Store
Google Play

Conte zgjedh sulmuesin, nis “lufta” mes Tottenham dhe Juventusit

14 Nëntor 2021, 11:30, Politikë CNA

Antonio Conte ka zgjedhur Dusan Vlahovic për sulmin. Tekniku italian i cili pak ditë më parë mori drejtimin e Tottenham, u ka bërë të ditur drejtuesve se dëshiron me çdo kusht sulmuesin serb të Fiorentinës, për ta vendosur në qendër të projektit.

Vlahovic ka vetëm 22 vite mbi supe dhe po bën mjaft mirë në Serinë A, ndërsa transferimi i tij është i lehtë për faktin se ka refuzuar rinovimin me Fiorentinën dhe klubi vjollcë është gati ta shesë, për të mos rrezikuar ta humbë me parametra zero.

Për Vlahovic kanë shfaqur interes edhe skuadra të tjera, me Juventusin në krye, megjithatë Tottenham është e vetmja që mund t?i lejojë vetes një ofertë prej 60-70 milionë eurosh për kartonin e serbit, shifër kjo që bardhezinjtë nuk mund ta arrijnë.

Nga ana tjetër, edhe vetë Conte është vënë në lëvizje për të kontaktuar personalisht Vlahovic dhe për ta bindur të transferohet në Londër, aty ku e pret një fanellë titullari dhe sigurisht një rol mjaft i rëndësishëm në projektin e klubit.

Synimi i Tottenham është që ta marrë Vlahovic që në muajin janar, ndërsa Fiorentina është gati t?i japë duart dhe po kërkon për alternativa, teksa ka çuar përpara negociatat me spanjollin Borja Mayoral, i cili nuk po gjen hapësira te Roma.





Lajmet e fundit nga