E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Situata në PD/ Spaho i përgjigjet Bardhit: Verifikoi firmat te Paloka, këto janë dy rrugët për të mbledhur Kuvendin

13 Nëntor 2021, 17:11, Politikë CNA

Deputeti i PD Edmond Spaho ka komentuar ditën e sotme zhvillimet e fundit në selinë blu, thirrjen për mbledhjen e Kuvendit Kombëtar dhe deklatatat e Lulzim Bashës, i cili tha se fitoi zgjedhjet bashkiake në 2011 pas vendimit për përjashtim të Berishës nga fushata elektorale.

Në një intervistë për Syri Tv, Spaho tha se deklaratat e Bashës janë një mashtrim.

Duke u ndalur te dorëzimi i 4200 firmave të delegatëve në zyrën e Edi Palokës, Spaho i ftoi edhe njëherë Bashën dhe Bardhin që të shkonin dhe ti verifikonin nëse kishin akoma dyshime.

?Në statut ka dy rrugë për thirrjen e Kuvendit Kombëtar të PD, është pjesa kur organet e zgjedhura e thërrasin që do të thotë, kryetari, kryesia dhe Këshilli Kombëtar, është dhe varianti tjetër kur anëtarësia dëshiron ta thërrasë Kuvendin Kombëtar, në këtë rast kemi të bëjmë me një Kuvend të jashtëzakonshëm kur organet e zgjedhura bien ndesh me interesat e anëtarëve.

Dhe për këtë duhen 25 % e firmave, ne deri tani kemi mbledhur 4200 firma, duke llogaritur edhe nja 1500 persona që ndodhen jashtë shtetit, pjesa dërrmuese e delegatëve kanë firmosur. Në proces janë edhe të tjerë që po dorëzojnë firma çdo ditë. Në këtë rast duhet të plotësohen dy elementë, ku një prej tyre është verifikimi i çdo firme, pra të jenë të aksesueshme dhe së dyti të jenë në selinë e subjektit juridik, në këtë rast në selinë e PD. Të dyja këto kushte janë plotësuar. Firmat ndodhen në zyrën e kryerarit të Këshillit Kombëtar Edi Paloka. Janë të aksesueshme për këdo që do ti shikojë. Ju e patë thirrjen për mediat për të ardhur dhe për të verifikuar, ajo ju përgjigj dhe erdhi dhe i verifikoi.

Dua të shtoj diçka, po të kthehemi pas më shumë se një muaj prapa, kur Berisha filloi foltoret, Basha u shpreh se nuk do të mbahet një Kuvend anti-amerikan. Pse e vë këtë cilësimin anti-amerikan nuk e kuptoj. Kuvendi i PD nuk e ka tagrin për tu marë me vendimet e SHBA, kjo është qesharake. Kuvendi ka një agjendë të caktuar dhe të publikuar nga anëtarësia, ku dy pikat e tyre janë ndryshimet statusore, dhe hapja e garës për kreun e PD.

Basha është shprehur kundër Kuvendit duke deklaruar se nuk do të lejojë mbajtjen e Kuvendit por edhe Bardhi, kur firmat u depozituan në PD u shpreh se ky është një blof i Berishës, nuk ka formularë nuk ka firma dhe sot kapet pas asaj që mi sill mua që ti verifikojë unë. Verifikimi i firmave me statut bëhet ditën e Kuvendit, ku një komision vërteton mandatet e delegatëve dhe do të bëhet një më një sipas rregullave në statut. Për të sqaruar edhe këta që mbajnë vulat dhe selinë e PD, u kemi vendosur në dispozicion gjatë gjithë orarit zyrtar, për çdo ditë, drejtuesit ekzekutiv aktual të PD le të vijnë në zyrën e Palokës dhe ti verifikojnë një për një të gjitha. Ata që nuk duan të bëjën verifikim duan të gjejnë kleçka të tjera. Kjo është çështje e vullnetit politik, a do e njohësh vullnetin e shumicës. Kujtojnë se mund të mbajnë PD peng me këto veprime që kanë bërë deri tani?, tha Spaho./CNA.al