web counter
LEXO PA REKLAMA!

SHKARKO APP

App Store
Google Play

E fundit!

x

Buxheti për Arsimin/ Reagon PD

13 Nëntor 2021, 12:33, Politikë CNA

Deputetja e PD, Ina Zhupa komentoi buxhetin në Arsim të prezantuar ditën e sotme nga kryeministri Edi Rama, për të cilin tha se po riciklon premtimet e pambajtura në 8 vite.

Zhupa theksoi se kjo qeveri ka kthyer mësuesit në patronazhistë dhe shkollat në ‘shkolla partie’ ku drejtojnë militantë dhe jo profesionistë.

“Flasin për arsimin sikur kanë ardhur sot në pushtet ndërkohë në 8 vjet vetëm e kanë shkatërruar atë! Rama është kryeministri me aktet me antikombëtare përsa i përket arsimit.

Kanë kthyer mësuesit në patronazhistë dhe shkollat në shkolla partie ku drejtojnë militantë dhe jo profesionistë?, tha Zhupa në një deklaratë për mediat.

Më tej ajo shtoi se për Arsimin nuk do të bëhet asgjë, ashtu siç nuk u bë në këto 8 vite qeverisjeje të socialistëve.

?Nuk kanë mbajtur asnjë premtim, as për tekstet shkollore që janë objekt talljesh në rrjetet sociale. As për trasportin e nxënësve dhe mësuesve që janë objekt i peticioneve dhe ndonjëherë edhe shkak për mos shkollimin e fëmijëve shqiptare. 

Dhe as për trajtimin psiko-social, as për sigurinë në shkolla që ngjarjet tragjike edhe të fundit e konfirmojnë fare mirë! Premtimin e rritjes së pagës e ricikluan edhe sot nga goja e kryeministrit. 

Kur paga është qesharake! Kanë premtuar cdo fillim mandati që do e rrisin me 40% si fjalimi i ish ministres Nikolla ne 12 shtator 2017 dhe e kanë rritur realisht vetëm 10 mijë lek te vjetra në 8 vjet.

Asgjë nuk kanë bërë dhe nuk kanë ndermend të bëjnë për arsimin! Gjithë synimet e shfaqura në buxhetin 2022 janë asgjë më shumë se një operacion copy-paste i premtimeve të pambajtura këtyre 8 viteve të shkuara!?, tha Zhupa./CNA.al





Lajmet e fundit nga