E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Teatri i Lulzim Bashës

12 Nëntor 2021, 19:46, Politikë CNA

Kreu i Republikës së Re, Lulzim Basha vendosi që ditën e sotme të thyente heshtjen për gjithçka që po ndodh në PD, nga kriza e brendshme, mbledhja e firmave të anëtarëve për Kuvendin Kombëtar dhe vendimin e tij për të përjashtuar nga grupi parlamentar ish liderin historik të demokratëve Sali Berishën.

Në një intervistë për News24, Berisha ndër tëtjera, foli edhe për ato që ai i quan arritje ose fitore përball Edi Ramës.

Ndonëse ka humbur në çdo betejë përball Ramës, sërish Basha vendosi të nxjerr në pah ?fitoren spektakolare? në zgjedhjet vendore të vitit 2011.

Ai tha se arriti të siguronte mandatin për të drejtuar Bashkinë e Tiranës pas vendimit për përjashtim të Sali Berishës nga fushata zgjedhore.

?Pikë së pari dua ta them qartë sepse është një fakt i ditur publikisht që unë jam i pari dhe i vetmi kandidat që ka mundur Edi Ramën në garë të drejtpërdrejtë për bashkinë e Tiranës. Nuk e kam thënë çelësin e fitores deri më sot, por tani është momenti ta them. Ka qenë vendimi për të përjashtuar Sali Berishën nga fushata për Tiranën.

Gjate këtyre viteve ekspertë dhe kompani të specializuara të fushatave elektorale në bazë të studimeve të tyre kanë rekomanduar vazhdimisht moskandidimin e Sali Berishës në raport me interesat elektorale me Partinë Demokratike. Kjo ka të bëjë edhe me faktin se gjerësisht perceptohej një dualizëm në Partinë Demokratike. Protagonizmi i Sali Berishës merrte trajtat nga ana e perceptimit publik të një dualizmi në vendimmarrjen e Partisë Demokratike.

Sigurisht kam edhe unë përgjegjësitë e mia. Ai duhet të ishte larguar vetë, duhet të kishte lënë Partinë Demokratike, kryetarin e zgjedhur të hapnin rrugën e re që hap çdo parti e re në opozitë, por edhe unë kam përgjegjësitë e mia në lejimin e këtij dualizmi. Për vendimet që janë marrë mund t?ju them fare qartë dhe këto janë të arkivuara dhe mund të nxirren nga çdo arkivë mediatike që janë vendime të konsultuara me të gjitha forumet e Partisë Demokratike dhe në rastin e vendimeve që ju përmendët vendime të kërkuara me ngulm nga Sali Berisha?, tha Basha.

Por sa të besueshme janë këto deklarata?

Në fakt, Arben Ristani në vitin 2011, ishte njeriu që luftoi me mediat, me opozitën, me gjithçka kishte në dorë në atë kohë. Edi Rama ia vësuli të gjitha Arben Ristanit, deri edhe në kërcënimet me jetë. Dhe gjithçka kishte të bënte me mandatin e kryebashkiakut të Tiranës, mandat të cilin Arben Ristani ia dha në tavolinë Lulzim Bashës, pas rinumërimit të dyshimtë të votave në kryeqytet. Ristani ia dha mandatin Bashës me vetëm 11 vota më shumë.

Por duket se Basha e ka harruar këtë fakt, ndaj sot vendosi të bënte një teatër televiziv dhe të ngrinte vlerat e vetes në piedestal, ku me mburrje tregon atë që ai e quan fitore.

Edhe vetë Ristani, pak kohë më parë në një intervistë për ?Raw Politics? me Erla Mëhillin në Euronews Albania tha se kryetari Lulzim Basha është figurë mosmirënjohëse dhe këtë gjë, shtoi ai, e ka dëshmuar prej kohësh.

?Ai është mosmirënjohës. Absolutisht po. Ai po çon në gropë PD dhe po e rrënon çdo ditë më tepër. PD në këto 30 vite është në opozitë për herë të tretë?, tha Ristani./CNA.al