1.5 miliardë euro në favor të rindërtimit/ Ahmetaj bën bilancin: 25 kantiere të hapura

10 Nëntor 2021, 18:15, Politikë CNA

Komisioni për Ekonominë dhe Financat ka zhvilluar ditën e sotme një seancë dëgjimore me Ministrin e Shtetit per Rindertimin dhe Programin e Reformave, Arben Ahmetaj.

Gjatë raportimit të tij, Ahmetaj ka bërë me dije se ka 177 familje që janë ende në çadra, e që u janë dëmtuar shtëpitë nga tërmeti.

E ndërsa ka bërë edhe një raportim të detajuar sa i përket procesit të rindërtimit, Ahmetaj tha se janë dhënë 1.5 miliardë euro në favor të rindërtimit dhe se këto grante janë përthithur 100% nga qeveria.

?Fondi i alokuar në buxhet ka qenë 28 miliardë lekë, dhe fondi i disbursuar ka qenë 18.1 miliardë lekë. rreth 17.8 miliardë lekë janë shpenzime të qeverisjes vendore dhe 0.64 miliardë lekë janë përdorur për qeverisjen qendrore. Ndërsa 9.9 miliardë lekë janë trashëguar për vitin 2021, nga të cilat 6.5 miliardë lekë janë për projekte të qeverisë vendore dhe 3.35 miliardë lekë janë për atë qendrore.

Deri më sot me vendim të Këshillit të Ministrave janë alokuar 25.5 miliardë lekë, disburzuar 21.8 miliardë lekë.

Buxheti për vitin 2021 buxheti 28 miliardë lekë. Edhe viti 2022 do të jetë vazhdimi për përmbylljen e këtij procesi të nisur, por pa lënë pa mbështeje sektorët e tjerë.

Projektbuxheti i vitit 2022 ofron 20 miliardë lekë për rindërtimin. Buxheti synon financimin e përfundimit të programeve grante të rikonstruksionit, riforcime të banesave kolektive, përfundimi i njësive individuale të banimit nga njësitë vendore, zhvillimin e zonave të reja, zhvillimi i infrastrukturës publike, objekte arsimore dhe institucione publike. Do të ketë përparësi financimi i granteve për familjet.

Akomodim i përkohshëm në dhjetor 2019 ishin mbi 11 mijë familje, ndërsa sot janë 177 familje që janë dhe përfitues të bonusit të qeras, që janë në çadra apo kontenier që për shkak të tokës dhe bujqësisë.

Sot janë 15 mijë që marrin bonus qiraje për akomodimin e tyre. Do marrin bonus derisa të hyjnë në banesat e reja. Aktualisht janë shpallur 49 mijë përfitues nga programet e rindërtimit, brenda programit total?, tha Ahmetaj.