web counter
LEXO PA REKLAMA!

SHKARKO APP

App Store
Google Play

Shkarkohet nënkryetari i Bashkisë së Durrësit

10 Nëntor 2021, 15:58, Politikë CNA

Shkarkohet nga detyra nënkryetari i Bashkisë së Durrësit Arbër Braho. Vendimi është marrë nga kryetarja në detyrë Emirjana Sako.

Kujtojmë këtu, që Braho ka deklaruar  se Bashkia e Durrësit vijon të kontrollohet nga Vangjush Dako.

Po ashtu, Braho në profiling e tij në Facebook, ka qenë kritik edhe ndaj kryetares së komanduar në qytetin bregdetar Emirjana Sako.

Ende nuk dihen arsyet e shkarkimit të tij, ndërkohë që pritet të shihet nëse do të ketë edhe ndonjë deklaratë zyrtare nga ana e Bashkisë.

“Ku ka patur fuqi vendimmarrëse Vangjush Dako nga periudha që nuk ka qenë në Bashkinë e Durrësit. Nuk bëhet fjalë për 2-3 vendimet e fundit por janë të gjitha vendimet, Dako nuk ka bërë asgjë me dorën e tij por e kanë bërë zagarët e tij.

Doni një rast kualifikimi? Është një kualifikim që është bërë me projekte edhe me mafien italiane. Në Durrës po vidhet me tendera dhe me projekte çdo gjë. Nëse e kanë seriozisht luftën kundër krimit të vijnë në Bashkinë e Durrësit. I qëndroj çdo fjale të denoncimit që kam bërë.

Ditën e arrestimeve nga SPAK, Dako dërgoi dy persona të më kontaktonin. Vetë Dako nuk e ka pranuar ndonjëherë që është shkëputur nga Bashkia“, tha Braho./CNA.al





Lajmet e fundit nga