web counter
LEXO PA REKLAMA!

SHKARKO APP

App Store
Google Play

Balluku jep lajmin e mirë për naftëtarët/ Zgjidhja që ofron qeveria

9 Nëntor 2021, 14:15, Politikë CNA

Ministrja e Infrastrukturës dhe Energjitikës, Belinda Balluku ka dhënë një lajm të mirë sot për naftëtarët e Ballshit.

Gjatë fjalës së saj në Komisionin e Veprimtarisë Prodhuese, Balluku tha se naftëtarët e Ballshit do të marrin sërish pagë nga shteti edhe për 2 vitet në vijim, 2022 dhe 2023.

“Naftëtarët e Ballshit do të marrin përsëri pagë nga buxheti i shtetit në vitin që vjen. Të 830 naftëtarët në kushte të papunësisë pasi nuk punon rafineria e Ballshit do i kompensojë me 300 milionë lekë, paga do të jetë 30 mijë lekë. Për të gjithë naftëtarët që nuk rifillojnë punë si në rafineri apo diku tjetër, ne si ministri do të marrim përsipër edhe financimin e tyre në vitin 2023”, tha Balluku.

Kujtojmë këtu se marrëveshja 1 vjeçare që naftëtarët kishin lidhur me qeverinë shqiptare përfundoi më 1 nëntor dhe duket se kjo është zgjidhja që ka gjetur qeveria për dy vitet e ardhshme.

Ata do të marrin 10 mijë lekë më pak krahasuar me pagën që morën deri në fund të muajit tetor, në bazë të marrëveshjes së arritur me kryeministrin Edi Rama vitin e kaluar./CNA.al





Lajmet e fundit nga