web counter
LEXO PA REKLAMA!

SHKARKO APP

App Store
Google Play

Polici shtyu Anila Hoxhën drejt greminës/ Rama reagon pas incidentit: E patolerueshme

9 Nëntor 2021, 10:52, Politikë CNA

Kryeministri Edi Rama ka reaguar sot në lidhje me incidentin e disa ditëve më parë, ku një punonjës i Policisë së Shtetit shtyu drejt greminës në dajt gazetaren Anila Hoxha.

Gjatë fjalës së tij në prezantimin e Buxhetit 2022 për Ministrinë e Brendshme, Rama i ka cilësuar si të patolerueshme akte të tilla, që sipas tij cënojnë imazhin e Policisë së Shtetit dhe njollosin uniformën e tyre.

?Rasti si ai që keqtrajtoi në mes të rrugës një gazetare, për faktin se duke qënë gazetare ngjarja u bë edhe më e bujshme, por në thelb për faktin se keqtrajtoi një qytetare, hedhin hije mbi gjithë këtë punë, gjithë këto sakrifica dhe rezultate.

Patjetër që çdo njëri prej jush, punonjësit e Policisë së Shtetit që çdo ditë del nga shpia për të shkuar në një front të vështirë nuk e meriton që në punën e tij dhe imazhin e uniformës që ajo apo ajo veshin të ketë të tilla stërkala balte që vinë nga shkelja e patolerueshme e vijës së sjelljes së punonjësit të Policisë së Shtetit.

Është shumë e rëndësishme të veprohet me shpejtësi dhe pa tolerancë ndaj këtyre individëve duke i larguar menjëherë nga Policia e Shtetit dhe të theksohet domosdoshmëria që të mbahet parasysh se Policia e Shtetit, figura e saj nuk ka nevojë për asnjë gjest dhe asnjë fjalë të tepërt, sepse është mishërimi i ligjit dhe ligji nuk flet, nuk bërtet,nuk kërcënon, nuk shan, ligji vepron. Dhe në veprimin e ligjit është e tepërt gjestet dhe aktet që ulin kokën të gjithë punonjësve të Policisë së Shtetit?-tha Rama./CNA.al





Lajmet e fundit nga