web counter
LEXO PA REKLAMA!

SHKARKO APP

App Store
Google Play

Vidhnin banesat dhe bizneset në Vorë/ Pranga dy të rinjve

8 Nëntor 2021, 15:04, Kronika CNA

Dy të rinj, janë arrestuar nga policia e Tiranës pasi dyshohet se janë autor të 4 vjedhjeve.

Sipas policisë, dy të rinjtë, Paulin Tusha, 24 vjeç dhe Lion Gjoka, 23 vjeç në bashkëpunim me njëri-tjetrin vidhnin në banesa dhe biznese në zonën e Vorës.

Më datë 07.11.2021, në rrugën ?Kryengritja?, Kodër Vorë, në banesën e shtetasit M. Gj., dyshohet se kanë vjedhur kasafortën brenda së cilës kishte 5000 euro dhe 200.000 lekë të rinj;

Më datë 07.11.2021, në rrugën ?Kryengritja?, Kodër Vorë, në banesën e shtetases F. Gj., dyshohet se kanë vjedhur kasafortën brenda së cilës kishte 600 euro;

Më datë 18.09.2021, në Kodër Vorë, dyshohet se kanë vjedhur një shumë parash dhe sende me vlerë në një firmë mobiliesh;

Më datë 29.09.2021, në Fshatin Muçaj, Vorë, dyshohet se kanë vjedhur një shumë parash në një firmë kondicionerësh;

Në cilësinë e provës materiale janë sekuestruar: 1 automjet, 2 pajisje DVR, 1700 euro dhe 2 aparate celular.

Vijon puna për zbardhjen dhe dokumentimin e vjedhjeve të tjera që mund të jenë kryer nga këta shtetas.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale ?Vjedhja? e kryer në bashkëpunim.

 





Lajmet e fundit nga