web counter
LEXO PA REKLAMA!

SHKARKO APP

App Store
Google Play

Kapen në flagrancë me një sasi të madhe lëndësh narkotike/ Përfundojnë në pranga 4 persona

8 Nëntor 2021, 07:49, Kronika CNA

Policia ka finalizuar një tjetër operacion të koduar ?Seman? në fushën e narkotikëve, ku janë arrestuar 4 persona.

Shtetasit G.Z, A.M, J.K, A.D janë arrestuar në flagrancë pasi posedonin lëndë narkotike, cannabis sativa të përgatitur për shitje.

Gjatë operacionit u sekuestruan 4 kilogramë cannabis, dy automjete dhe 5 aparate celularë.

?Finalizohet një tjetër operacion për goditjen e veprimtarisë kriminale në fushën e narkotikëve.

Operacioni policor i koduar “Seman”, i zhvilluar nga Seksioni për Hetimin e Narkotikëve dhe Njësia Operacionale e DVP Fier.

Sekuestrohen 4 kg lëndë narkotike cannabis sativa, vihen në pranga 4 shtetas.

Specialistët e Seksionit për Hetimin e Narkotikëve dhe Njësia Operacionale e DVP Fier, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, bazuar në informacionet e siguruara në rrugë policore, bënë të mundur finalizimin me sukses të operacionit policor të koduar “Seman”.

Gjatë operacionit, në Bypass-in e Fierit, u kapën në kushtet e flagrancës, me automjetet tip “Audi” dhe “Citroen”, 4 shtetas të cilët posedonin lëndë narkotike cannabis sativa që e kishin bërë gati për shitje.

Në vijim të veprimeve u arrestuan në flagrancë për veprën penale “Prodhimi dhe shitja e narkotikëve” e kryer në bashkëpunim, shtetasit:

G.Z., 34 vjeç, banues në Tiranë;

A.M. (?., 29 vjeç, banues në Ballsh;

J.K., 25 vjeç, banues në Topojë, Fier;

A.D., 23 vjeç, banues në Topojë, Fier.

Në cilësinë e provës materiale u sekuestruan 4 kg lëndë narkotike cannabis sativa, 2 automjetet dhe 5 aparate celularë.

Vijon puna për identifikimin dhe kapjen e personave të tjerë që mund të jenë të përfshirë në këtë veprimtari kriminale.

Materialet procedurale do t?i kalojnë Prokurorisë pranë Gjykatës së Shkallës së Parë Fier, për veprime të mëtejshme?, njofton policia./ CNA.al





Lajmet e fundit nga