web counter
LEXO PA REKLAMA!

SHKARKO APP

App Store
Google Play

Komisioni Hetimor për inceneratorët/ Tabaku mesazh SPAK

2 Nëntor 2021, 14:00, Politikë CNA

Ka filluar mbledhja e parë e Komisionit Hetimor për inceneratorët, i kërkuar nga PD.

Gjatë fjalës së saj kryetarja e këtij komisioni, Jorida Tabaku theksoi se kanë dërguar në SPAK tre padi për këtë çështje.

Po ashtu ajo i ka drejtuar një mesazh SPAK, ndërsa theksoi se duhet vënë në pranga çdo person i përfshirë.

?Qëllimi i këtij komisioni është kontrolli i ligjshmërisë për administrimin e impiantit të mbetjeve në Tiranë, Elbasan dhe Fier. Ky hetim do të synojë të nxjerrë përgjegjësitë institucione, garantimin e konkurrencës në treg. qëllimi i ngritjes lidhet me tre procedura koncesionare që kanë filluar të miratohen në vitin 2014. Objekti i punës është kontrolli i zbatimit të ligjeve në procedurat e ngritjes së impianteve. Një kompani pa asnjë eksperiencë merr tre koncesione? Këtu do të analizojmë të gjitha procedurat që janë ndjekur.?

Ta harrojnë që ky komision të kthehet në një grup pune për mjedisin, kur ky projekt i ka kushtuar shqiptarëve miliona euro. PD ka depozituar në SPAK tre padi. Kemi kërkuar që SPAK të ngrihet në lartësinë ku ia kërkon detyra. Nuk ka marrë asnjë masë. Ne nuk do të presim që SPAK të shkojë të arrestojë këdo, por ta harrojnë se nuk do të vinë këtu të japin llogari, tre kryetarët e bashkive, kryeministri dhe këdo që është i përfshirë,? deklaroi Tabaku.

Gjithashtu sot është miratuar emërimi i deputetes së PS, Antoneta Dhima si sekretare e këtij Komisioni.

Mbledhja e këtij komisioni, ka pasur dhe debate mes kryetares Jorida Tabaku dhe nënkryetares, Ermonela Felaj.

?Nuk e kam ndërtuar karrierën time duke gënjyer, apo duke bërë diçka tjetër, aq më keq! Mbani etikën?-tha Felaj,

Ndërkohë Tabaku i është përgjigjur, duke kërkuar mbylljen e mikrofonit.

?Mbylljani mikrofonin?-tha Tabaku.

Ndërsa Felaj tha se ?Unë jam nënkryetare dhe s’mund të ma mbyllni mikrofonin?./CNA.al





Lajmet e fundit nga