Shkrimtari Rudolf Marku hap dosjen e tij të komunizmit, kupton se e spiunonin miqtë

1 Nëntor 2021, 17:57, Aktualitet CNA

Të futesh në botën e një shkrimtari është gjithmonë interesante por, eksperienca është më e veçantë kur përballë ke një krijues që vjen nga një kohë e pazakontë, nga një kohë që të shkruaje në liri ishte çmenduri.

Kësaj radhe përballë poetit dhe romancierit Rudolf Markut, biseda për letrat zhvendoset tek dosja e tij që ai ka vetëm pak ditë që e ka marrë.

Shoh dosjen time dhe duket sikur shikoj jetën e dikujt tjetër. Për herë të parë unë shoh që kam qenë në moshën 21-vjeçare, jam në fakultet kur hapet dosja ime edhe kjo histori fillon sepse një shok klase kapet duke vjedhur dhe e përjashtojnë shkon në Vlorë, nga fshatrat e Vlorës Jorgo Nikollari më kujtohet emri, dhe i ati i thotë ti ke vjedh dhe kjo rregullohet dhe i thotë, padit Rudofin si një njeri që ka lakra në kokë, që flet mirë për botën perëndimore?, kujtoi Rudolf Marku.

Kaq mjaftoi që gjykuesit e asaj kohe të regjistronin dëshminë, dhe të kishin nën mbikëqyrje Markun, i cili gjatë këtyre ditëve të leximit të dosjes, zbuloi që miqtë, nxënësit, kolegë, kanë raportuar, kanë provokuar situata, apo kanë mbajtur nën vëzhgim çdo lëvizje të tij.

?Një shok tjetër që e kisha shok fëmijërie ishte mësues fizike dhe ishte një ndër djemtë më të zgjuar që mbaja mend nga gjimnazi. E mora vesh tani që hapa dosjen që më ka ndjekur gjithmonë, duke spiunuar rregullisht që Rudolfi u jep nxënësve libra për të lexuar. Për çfarë librash bëhet fjalë? Për ?Kolonel Shaber? të Balzakut që ishte i lejuar por në mendjen e tyre ishte libër i ndaluar?, tha z. Marku.

Por një histori në jetën e Rudolfit, flet shumë për rolin dhe fatet e njerëzve. Një polic fut në çantën e tij një poezi të Migjenit, me keqdashje siç thotë ai, për të filluar më pas me një sërë gjykimesh.

?Njëherë e një kohë një nga të policisë më fut në çantën time një poezi të Migjenit me keqdashje, kjo poezi quhet ?I madhi i rinuar?, këtë e kam marrë vesh vetëm tani që hapa dosjen, dhe ata kane kujtuar se është e imja dhe bëhet ekspertiza dhe drejtori i shkollës, Mark Vuji, mësuesi i popullit bën një ekspertizë që kjo është një poezi reaksionare duke mos e ditur që është e Migjenit. Paradoksi është këtu, se po ti thoshe që kjo është poezi e Migjenit, ai do të thoshte që kjo është një poezi revolucionare?, tha Rudolf Marku.

Por siç thotë Marku, ferri i vërtetë filloi kur ai u fut në lidhjen e shkrimtarëve.

Por sa e vështirë ishte të shkruaje dhe të mbijetoje në atë kohë, kur gjithçka që thoshe nuk e dije se ku as se si do përdoreshin.

?Të tjerët si puna ime bënim poezi për partinë që të shpëtonim poezitë e tjera. Këto të tjerët që ndoshta i kanë pasur baballarët sekretarë partie, që të futnin në burg po të thoshe fjalë për partinë, këto janë të parë të parët që të gjykonin ty. Ti kërkon nga një njeri që ka kaluar përmes kënetës që të mos ketë cikla balte në këpucë, ky që nuk e ka parë baltën me sy?, u shpreh Rudolf Marku.

Dosja që Rudplf Marku ka tregon se 48 spiunë për 20 vite i janë vënë mbrapa, duke na treguar se sa i fuqishëm ishe mekanizmi i kontrollit në shoqi dhe sa i fuqishëm bëhej për ata që kishin zgjedhur ?fjalën? për të jetuar./euronews