web counter
LEXO PA REKLAMA!

SHKARKO APP

App Store
Google Play

Ku shkuan miliardat e ujësjellësave?/ Ngrihen dyshime për zhvatje të buxhetit të shtetit

31 Tetor 2021, 12:43, Aktualitet CNA

Deputeti demokrat Helidon Bushati ka reaguar ashpër në lidhje me situatën në ujësjellesa, situatë të cilën pak ditë më parë vetë kryeministri Edi Rama i bëri një panoramë gri.

Bushati pyet se ku kanë shkuar miliardat e ujësjellësve në vite.

Sipas të njëjtit, në 8 vite kemi pasur kthim mbrapa me ujësjellësit dhe se janë shpërdoruar miliarda. Sipas tij të vërtetën e tregojnë rubinetat.

?Sipas propagandës së rilindjes është bërë për ujësjellësit në këto 8 vite, më shumë se gjithë qeveritë e marra bashkë.Të vërtetën e tregojnë rubinetat.
Siç doli nga ngjarja dramatike në Krujë, ku qindra banorë u helmuan prej investimit elektoral të përuruar nga vetë Kryeministri.
Të dhënat tregojnë se në 8 vite kemi pasur kthim mbrapa. Në krahasim me 2013.

Mbulimi i furnizimit me ujë është më i ulët.
Mbulimi i kostos totale dhe operative, më i ulët.
Efiçenca e stafit, më e ulët, edhe pse është rritur numri i të punësuarve kryesisht me militantë, patronazhistë, apo gazetarë të pushtetit.
Ndërkohë që arkëtimet janë rritur, shqiptarëve u janë marrë më shumë para çdo muaj.
Borxhet e ujësjellësve ndaj OSHEE janë shtuar, janë debitorët më të mëdhenj!
Janë investuar rreth 1.2 mld euro në 8 vite dhe rezultati është ky; nga 11.5 orë furnizim në 2013, në 13.8 orë në 2020. Miliarda për 2 orë më shumë ujë ?, shkruan Bushati në rrjete sociale.

Sipas Bushatit, janë më shumë para të marra nga xhepi i shqiptarëve, më shumë para të hedhura për investime, dhe kriza e ujit është thelluar.

?Pyetja është: Ku kanë shkuar miliardat e ujësjellësve në vite??, shkruan më tej Bushati./CNA.al





Lajmet e fundit nga