web counter
LEXO PA REKLAMA!

SHKARKO APP

App Store
Google Play

E fundit!

x

Liverpooli “shpëton” përfundimisht nga portieri gafaxhi, ja vendimi për Karius

31 Tetor 2021, 20:05, Sport CNA

Liverpooli ka vendosur të lirojë nga çdo detyrim kontraktual portierin gjerman, Loris Karius, raporton ?Mirror?. 28-vjeçari, i cili nuk ka luajtur me fanellën e klubit ?të kuq? që nga ajo finale fatale e Ligës së Kampionëve të vitit 2018, i ka kaluar dy sezonet e fundit në huazim te Besiktasi dhe Unión Berlini.

Paraqitja e tij e dobët në atë finale kundër Realit, në të cilën bëri gafa të pafalshme në rastin dy golave të Madridit, nga tre që pësoi në total, e ?varrosi? karrierën e tij në klubin anglez.

Atë verë ?gardiani? gjerman kaloi te Besiktasi, ku nënshkroi për dy vjet. Në Turqi, ai fitoi vendin e titullarit për dy sezone, por në maj 2020 u largua nga klubi i Stambollit për shkak të detyrimeve të prapambetura financiare.

Pas kësaj, ai përfundoi në Bundesligë për të nënshkruar me Unión Berlinin, por në klubin gjerman ai luajti vetëm 4 ndeshje sezonin e kaluar.

Këtë verë ai nuk gjeti një destinacion të ri, pavarësisht se ?kishte disa skuadra të interesuara, por transferimi nuk u realizua për arsye të ndryshme?, siç ka konfirmuar vetë për ?Bild?.

Për këtë arsye ai është ende në skuadrën e Liverpoolit, por nuk është thirrur në asnjë ndeshje. Në janar do të ketë mundësinë të nënshkruajë falas për çdo ekip.





Lajmet e fundit nga