web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Dopietë për 9 minuta, Correa bën heroin te Interi

31 Tetor 2021, 13:35, Sport CNA

Interi rikthehet te fitorja në shtëpi pas barazimeve me Atalantën dhe Juventusin. Skuadra e Simone Inzaghi triumfoi me rezultatin e pastër 2-0 kundër Udinese dhe heroi ishte Joaquin Correa.

Sulmuesi realizoi në pjesën e dytë në harkun kohor të 9 minutave dy gola, njëri më i bukur se tjetri, dhe i dha fitoren skuadrës së Interit.

Futbollisti argjentinas, në hijw në pjesën e parë, shpëtoi veten dhe zikaltrit. Në 45 minutat e para të lojës u shfaq rrezikshëm vetëm Nicolo Barella, i cili kishte një mundësi të mirë shënimi dhe u ndal nga Silvestri.

Pas një ore lojë u zhbllokua ndeshja, me Correa që vallëzoi në zonën e Udinese dhe me një goditje perfektë e çoi topin në rrjetë. Nëntë minuta më pas ai realizoi edhe golin e dytë.

Për Udinesen protagonist ishte sulmuesi Deulofeu, i cili u ndal për dy minuta (81? dhe 82?) nga Handanovic dhe më pas nga VAR, për pozicion jashtë loje. Deri në fund rezultati 2-0 mbeti i pandryshuar dhe Interi iu gëzua tre pikëve.

SERIE A ? JAVA 11
Inter-Udinese 2-0
Shënues: Correa 60?, 69?

 





Lajmet e fundit nga