E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

VIDEO/ Partizani zhgënjen sërish, Egnatia i merr 1 pikë në "Air Albania"

31 Tetor 2021, 17:45, Sport CNA

Partizani abonohet me barazimin 1-1, rezultat të cilin e ka regjistruar në 5 nga 7 ndeshjet e këtij sezoni, teksa dy të tjerat I ka humbur dhe do të duhet të presë ende për të shijuar fitoren e parë.

Mes mungesash të shumta dhe plagës së humbjes në derbi, pritej që ?të kuqtë? të reagonin dhe të kërkonin fitoren ndaj Egnatias, por dëshira nuk mjaftoi, ndaj u detyruan të kënaqen me vetëm një pikë në ?Air Albania?.

Në një stadium të mbyllur për shkak të dënimit nga FSHF-ja, Partizani nuk arriti të bëjë mjaftueshëm për të shkuar te fitorja dhe për më tepër, u la sërish në baltë nga kapiteni Alban Hoxha, i cili pësoi një gol qesharak që në minutat e para të ndeshjes.

Pas 7 javëve të para, Partizani mbetet në vendin e 8 me vetëm 5 pikë të grumbulluara, ndërsa rrogozhinasit mbeten të 6-ët me 9 pikë, aq sa ka edhe Vllaznia e Dinamo.

FT| PARTIZANI-EGNATIA 1-1

Cara 45+2′ / Xhekson 6?

KOMENTI:

45+2? GOOOL Partizani 1-1/ Partizani barazon shifrat me një aksion mjaft të bukur. Murataj hap bukur lojën për Markun që asiston për Tedi Carën me këtë të fundit që barazon shifrat me një goditje me kokë.

6? GOOOL Egnatia 0-1/ E pabesueshme çfarë gabimi bën Alban Hoxha. Xhekson gjuan nga distanca, por Hoxhës i shpëton topi nga duart duke dërguar Egnatian në avantazh.

Formacionet:

Partizani(3-5-2):Hoxha, Sota, Belica, Damcevski, A.Marku, Mala, Rrapaj, Gueye, Musta, Filipovic, Cara

Egnatia(4-2-3-1):Puja, Ymeraliaj, Teqja, Krivanjeva, Allmuça, Telushi, Iseni, Çyrbja, Imeri, Jackson, Shtubina

-Partizani e ka nisur në mënyrën më të keqe këtë sezon teksa në 6 javët e para nuk ka marë asnjë fitore dhe pozicionohet në zonën e rrezikut në renditje.

-4 gola sa ka shënuar e gjithë skuadra e Partizanit në 6 takime i ka shënuar i vetëm sulmuesit i Egnatias Pedro Augusto që bashkë me Edi Basa të Kukësit dhe Dejan Zarubica të Laçit kryeson listën e golashënuesve në Abissnet Superiore.

-Përballja e fundit direkte mes Partizanit dhe Egnatias në elitën e futbollit shqiptar është luajtur para 16 vitesh, pikërisht në 16 prill të 2005-ës me të kuqtë që fitonin 4-1.

-Partizani do të kërkojë fitoren e parë në këtë sezon pa trajnerin Ilir Daja në stol i cili u ndëshkua me karton të kuq në derbi dhe është i skualifikuar.