web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri sfidon Bashën/ Nëse do t’i dalë përballë Berishës, ka vetëm një kusht

30 Tetor 2021, 07:27, Politikë CNA

Ish-ministri i Drejtësisë në qeverinë ?Rama 1?, Ylli Manjani ka komentuar tezën e kreut të PD-së, Lulzim Basha, i cili po tenton ta ?shesë? veten si e ardhmja, ndërsa Berisha, Meta dhe Rama sipas tij janë ?llumi?.

Në një postim në rrjetet sociale, Manjani shkruan se Lulzim Basha është në të drejtën e tij të artikulojë cilëndo tezë politike që ka qejf, por që të meritojë mbështetje, duhet të na tregojë se sa përkrahje ka në parti dhe në publik.

Manjani thekson se nëse Basha do të dalë përballë Berishës, ka vetëm një kusht, që është vota.

Pra, duhet të dalë përballë me votë dhe jo me vulë.

?Lulzim Basha është në të drejtën e tij të artikulojë cilëndo tezë politike që ka qejf.

Së fundi po artikulon tezën se Ai është e ardhmja dhe se Rama Berisha e Meta janë llum i së shkuarës.

Meriton të përgëzohet që më në fund po e thotë hapur atë që deri më sot e ka folur me veten.

Mirëpo që të meritojë mbështetje, duhet të na tregojë se sa përkrahje ka në parti dhe në publik.

Se në parti, me mbështetjen dhe votat e Berishës nuk ka se si të ketë mbështetje anti Berishë. Ndaj, nëse do që të jetë në politikë me këto teza që thotë duhet të na dëshmojë sa mbështetje ka. Dhe jo me fjalë, as me asistencë mediatike por me vepra.

Lulzim Basha duhet të tregojë se mbështetësit e tezave të tij, përfshi dhe ato neokomuniste, janë shumica e PD-së. Por përsa kohë Ai nuk refuzon të mbledhë forumet e partisë nga frika, bën dërr dërr kot.

Nëse do ti dalë përballë Berishës i duhet tja marrë partinë me votë, jo me vulë!

Të bëjë këtë njëherë pastaj të merret me Ramën, Metën e kë ti dojë qejfi!

Është kaq e thjeshtë kjo punë.?-shkruan Ylli Manjani./CNA.al





Lajmet e fundit nga