“Trekëndëshi i Bermudës”/ Ironizon ish-deputeti: Basha tallet me veten, jeton në një tjetër realitet

29 Tetor 2021, 18:30, Politikë CNA

Anëtari i Kryesisë së PD, Gent Strazimiri ka deklaruar se Kuvendi Kombëtar do të mblidhet sipas procedurave që parashikon statuti dhe këtë nuk e ndalon dot askush.

Në një lidhje direkte në studion e Syri Tv me Juli Krisafin, ai theksoi se çdo pengesë do të ishte një aventurë e mëtejshme dhe pakthim.

?Kuvendi Kombëtar i PD do të mblidhet sipas procedurave që parashikon statuti dhe këtë nuk e ndalon askush. Çdo pengesë do të ishte një aventurë e mëtejshme dhe pakthim sigurisht. Statuti është ligji i demokratëve dhe do të zbatohet në pikë, frymë dhe gërmë?, tha Strazimiri.

Më tej ai shtoi se përjashtimet e deputetëve dhe sulmet e fundit ndaj Tomor Alizotit janë ?gjueti shtrigash? nga ana e PD, të cilët kanë marrë praktikat e Partisë së Punës.

?Nuk mendoj se janë rryma, por mendime. Dhe të gjitha mendimet në PD do të dëgjohen dhe në fund do t’i nënshtrohen votës, ajo votë që ka qenë lindja e PD, ajo do ta rilindë sërish shpirtin demokrat mbi të njëjtat themele të lirisë, demokracisë dhe besimit në dinjitetin njerëzor dhe zotin. Mendime ka më shumë se këta që përmendët. Foltorja është e hapur për secilin nga mendimet. Unë mund t’iu cilësoj edhe 30 mendime të tjera alternative që kanë dalë në ‘Foltore’ që të gjitha të vlefshme. Ishte një gjë e shëmtuar, sidomos kur vjen e orientuar nga qendra. Është një lloj gjuetie shtrigash që s’ka qenë kurrë e demokratëve, është praktikë e vjetër e Partisë së Punës që as PS nuk e ndjek më?, tha ish-deputeti.

Ai nuk ka lënë pa përmendur as deklaratën e bujshme të Bashës sa i takon ‘Trekëndëshit të Bermudës’, duke e cilësuar si humor të zi dhe krahasim i pavend.

Nëse do të bëja humor të zi, këtë krahasim të pavend të Bashës për Sali Berishën me Edi Ramën, apo ‘Trekëndëshin e Bermudës’, me atë talljen që ishte një meme e gatshme, ai tallet edhe me vetveten, kur thoshte se nuk ‘dal në bazë të takoj njerëzit se kam frikë e më vjen gjynah se Sali Berisha do të mbetej vetëm, e njerëzit do të shkonin pas Lulzim Bashës. Kam përshtypjen që jeton në një realitet që e ka ngritur thjesht në mendjen e vetë për të refuzuar realitetin që e rrethon?, tha Strazimiri.

I pyetur nëse mendon se pritet të ketë një bashkëqeverisje Rama-Basha, Strazimiri shprehu se gjithçka të çon drejt këtij mendimi.

?Nuk është hera e parë që e them. Gjithçka të çon drejt bashkëqeverisjes, marrëveshjet janë hapi i parë i saj. Ajo që është e vërtetë, është se betejë nuk do të ketë, jo më betejë deri në pikë e gjakut, betejën e 30 viteve për t’i dhënë fund tranzionit. Kartat janë të hapura, kush ka sy të shikojë, kush ka veshë të dëgjojë e kupton fare mirë?, tha ish-deputeti./CNA.al