web counter
LEXO PA REKLAMA!

SHKARKO APP

App Store
Google Play

E fundit!

x

“Basha harroi masakrën e 25 prillit për të mbajtur karrigen”/ Berisha: E ka çuar PD nga humbja në humbje

29 Tetor 2021, 15:48, Politikë CNA

Ish kryeministri Sali Berisha nuk i ka kursyer akuzat ndaj kreut të PD Lulzim Basha dhe kryeministrit Edi Rama, nga Lezha, ku po mban Foltoren e tij të 13-të, për një PD më të fortë, më të bashkuar.

Berisha akuzoi Bashën se përveç se ka tetë vjet që po e çon PD nga humbja në humbje, theksoi edhe faktin se e harroj masakrën elektorale të 25 prillit për interesat e karriges së tij.

“Ka tetë vjet që Basha shkon nga humbja në humbje e nuk di se çfarë bën. Jo vetëm që nuk mori protestën për dhunimin që u bënë në zgjedhje, por u mor me karrigen e tij dhe harroj fjalën masakër. Nuk u mor me sanksione që prekin opozitën. Propaganda e Edi Ramës dhe e petkut të tij duan tu mashtrojnë ju dhe ta paraqesin foltoren si interes personal të Sali Berishës. Të lidhur  me vendimin e DASH për shpalljen time non grata. Absolutisht është e pavërtetë dhe unë ja faktoj kujtdo. Atë vendim, duke e pasur të qartë që është i bazuar në shpifje, Sali Berisha e mbajti personale dhe iu drejtova gjykatës në Paris dhe padita për shpifje zotërinë që firmosi vendimin. Gjykatësi ka pranuar shqyrtimin e padisë, por miqtë e mi kanë njoftuar se ajo dosje ka zero fakte, zero dokumente, zero prova“, tha Berisha./CNA.al





Lajmet e fundit nga