E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Video- Gjekmarkaj masakron Bashën/ PD parti banale e Lulit

29 Tetor 2021, 14:49, Politikë CNA

Agron Gjekmarkaj është një emër i njohur për publikun. Nën petkun e analistit, Gjekmarkaj për vite me rradhë dilte sa tek njëra studio tek tjetra, duke sulmuar ashpër kreun e PD Lulzim Basha, si dhe kërkonte largimin e tij nga drejtimi i partisë.

Në vitin 2017, kur PD pas një marrëveshje të fshehtë Rama-Basha ngeli sërish në opozitë, Gjekmarkaj ka qenë mjaft i ashpër në qëndrimin e tij.

Në një intervistë për Top Story me gazetarin Sokol Balla në Top Channel, në vitin 2017 Gjekmarkaj shprehej se Basha e kishte hartuar listën e kandidatëve për deputet hajdutçe dhe e publikoi në mes të natës, pa mbledhur as kryesi dhe as sekretariat.

?Ai e nxori listën në mënyrën më hajdutçe në 11 të natës. As nuk mblodhi Kryesi, as sekretariat. Ishte produkt personal i tij. Edhe Sali Berisha që e kishte një prioritet absolut nga pikëpamja formale, e mblidhte gjithmonë Kryesinë dhe diskutonte emër për emër. Ai dha partinë, dha listat dha rezultatin dhe nuk la karrigen e vet?, tha Gjekmarkaj.

Dikur analist e sot deputet, ky i fundit i kërkonte llogari Bashës për humbjen e 200 mijë demokratëve, duke bërë atë përgjegjës për humbjen e partisë më të madhe në vend.

?Lëvizja ka filluar ditën e zgjedhjeve kur e kanë bojkotuar 150 mijë, 200 mijë demokratë që i mungojnë në listë. Atyre duhet tu shqetësohet Lulzim Basha, atyre duhet tu jap përgjigje. Që e ka harruar PD, e ka shndërruar në një gjë të vogël. Ka qenë partia më e madhe PD, rastësisht është partia e dytë, por të paktën nuk ka shkuar parti e tretë?, shprehej Gjekmarkaj.

Duke evidentuar rrudhjen e PD-së në atë kohë, kur drejtohej nga Basha, Gjekmarkaj shprehej se synimi i vetëm i Bashës ka qenë karrigja e tij, duke e kthyer PD në një parti banale dhe familjare.

?PD nuk ka qenë kurrë kështu., Pas kësaj katastrofe, Basha ka vetëm një synim, karrierën e vet dhe karrigen e vet. Unë mendoj se nëse Basha vazhdon thjesht duke u kapur pas karriges dhe të bëj ccmos për ta rruajtur atë do ta personalizoj, do ta ndaj në fund do ta katandisë PD në një parti të vogël , banale dhe familjare?, shprehetj Gjekmarkaj.

Sipas të njëjtit, minimalija që duhet të bënte Basha në atë kohë, pra në vitin 2017 ishte të dorëhiqej si kryetar partie, ndërsa sillte në kujtesë që të njëjtën gjë bëri ish kryeministri Sali Berisha, ndonëse për 13 vjet e mbajti PD në pushte dhe rezultate të mira.

?Statuti kërkon minimalisht të dorëhiqet, ai po thyen statutin e partisë së vet që e ka miratuar vet. Sali Berisha është themeluesi i PD, 13 vjet në pushtet me PD, me suksese të rëndësishme për kombin jep dorëheqje me një humbje shumë më të vogël se ky. Ky me katastrofë del e bën moral. Po kjo është turp?, shprehej Gjekmarkaj.

Por PD edhe sot e kësaj dite ndodhet në të njëjtat pozita, ndoshta edhe më keq, për faktin se pas zgjedhjeve të 25 prillit, për të tretën herë rradhazi mbeti në opozitë. Por ndryshe nga deklaratat e vitit 2017, këtë herë, Gjekmarkaj ishte në listat për deputet, të hartuara nga Lulzim Basha dhe të publikuara nga vetë ai në mes të natës. Por duket se karrigia e deputetit e ka ngrohur mirë analistin dhe pedagogun, duke mos nxjerr në dritë humbjet dhe rrudhjet e demokratëve, por duke kërkuar qëndrimin e Bashës në PD./CNA.al