E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Rama paralajmëron ndryshime/ Si do zgjidhen drejtorët e ujësjellësve

29 Tetor 2021, 11:15, Politikë CNA

Kryeministri Rama tha se drejtuesit e ujësjellësit në të gjithë vendin nuk do të zgjidhen më në të njëjtën mënyrë siç janë zgjedhur deri më tani, pasi Qeveria nuk do ta lejojë më këtë.

Gjatë një takimi të zhvilluar sot me kryebashkiaët, kreu i qeverisë, theksoi se ujësjellësit, janë pasqyra më dëshpëruese e papërgjegjshmërisë.

“Do ndërtojmë një proces ndërveprimi me partnerët dhe me ju, me kryetarët e bashkive për të riorganizuar të gjithë sistemin, për atë që nuk do të dojë të kuptojë. Nuk mungojnë as pagat, as sigurimet e punonjësve. Është pasqyra më dëshpëruese e papërgjegjshmërisë. As Korça dhe Pogradeci janë një stad tjetër, nuk i paguajnë dot kreditë. Duam të ndalojmë këtë papërgjegjshmëri. Ju e dini vetë se çfarë bëni por përgjegjësia duhet të jetë e drejtpërdrejtë, që nga drejtuesit te kushdo që ka përgjegjësi administrimi. Rekrutimet për drejtuesit nuk do të bëhen më siç janë bërë deri më tani, nuk do ta lejojmë ne dhe do të kërkojmë edhe ndihmën e partnerëve tanë. Për të bërë një rekrutim serioz për ndërmarrjet. Nuk janë mall i huaj që t’i biesh me top. Njerëz që nuk shkojnë fare në punë apo njerëz që shkojnë dhe bëjnë dëme”, –tha Kryeministri.

Gjithashtu Rama tha se javën e ardhshme ministrja e Infrastrukturës dhe Energjisë Belinda Balluku do të takohet me të gjithë kryetarët e bashkive për t?u vënë përpara planin për rimëkëmbjen në sektorin e Ujësjellësve.

Rama deklaroi se pjesë e kësaj strategjie do të jetë krijimi i sinergjive të reja, largimi i politikës nga punësimet në këtë sektor. Ai deklaroi se ky proces do të monitorohet nga partnerët ndërkombëtarë që kanë investuar në këtë sektor.

?Një grup punonjësish që shkatërron malin konkret dhe nuk mbjell si e ka në marrëveshje. Kjo është anti-sociale dhe krim kundër fëmijëve. Duhet të kundërveprojmë për të vendosur një digë që si fillim humbjet të mos thellohen. Që kjo rutina që këto para do humben dhe gjithë kjo sforco e bërë nga taksa paguesit shqiptarë i japin buxhetit, do nëpërkëmbet. Jo nuk mund të jetë kështu.

Javën e ardhshme ministrja do jetë qark për qark me kryetarët e bashkive dhe do ju vërë përpara planin. Një pjesë e rëndësishme është krijimi i singjergjive të reja dhe pjesa tjetër është largimi i politikës nga punësimet në ujësjellës. Partnerët tanë do monitorojnë procesin e punësimeve sepse kanë investuar kohë dhe para. Janë kredi me interesa shumë të ulëta. E bëjnë këtë që të kenë sukses këtu. Duhet të jemi të treja palët aleatë për një ndryshim radikal në këtë drejtim. Ndryshimi duhet të fillojë nga ju të dashur. Duhet të thoni stop, këtu mbyllet ky cikël.

Publiku sot duhet ta dëgjojë që ne do të ndërhyjmë dhe do të lutesha që askush të mos bëhet pengesë që sistemi të ndryshojë. Përveç letrës nuk ka asnjë argument tjetër. Asnjë llogari dhënie për punësimet në ujësjellës. Asnjë llogaridhënie për faktin që asnjë qindarkë e kredive marra për ujësjellësat nuk paguhet nga ujësjellësat. Edhe këtu në këtë rast janë disa shembuj pozitivë. Atyre shembujve do u drejtohemi për të treguar si kjo do të shtrihet në të gjithë Shqipërinë. Edhe një të tretë do kemi së shpejti për guroret. Nëse do bëjmë ndryshime në këto drejtime do kemi përmirësim të madh?, -tha Rama./CNA.al