web counter
LEXO PA REKLAMA!

SHKARKO APP

App Store
Google Play

"Afera 400 milionë euro me plehrat"/ Provat, këmbanë alarmi për SPAK

29 Tetor 2021, 08:48, Politikë CNA

Sekretari i Përgjithshëm i Partisë Demokratike, Gazment Bardhi i është rikthyer sërish sot akuzave ndaj mazhorancës socialiste, në lidhje me aferën e koncesionit të inceneratorëve.

Në një deklaratë për mediat, Bardhi tha se afera 400 milionë euroshe e mafies së plehrave është një nga shpërdorimet më të mëdha të taksave të qytetarëve shqiptarë.

Sipas tij, deputeti socialist, Damian Gjiknuri, ka kryer 15 udhëtime jashtë Shqipërisë, me personat që kanë marrë koncesionin e inceneratorëve.

Bardhi i drejtoi edhe nje mesazh SPAK, ndersa theksoi se tani është radha e drejtësisë të thotë fjalën e saj mbi këtë aferë 400 milionshe.

?Afera 400 milionë euroshe e mafies së plehrave është një nga shpërdorimet më të mëdha të taksave të qytetarëve shqiptarë.

Ditën e djeshme Partia Demokratike zbuloi një tjetër zgjatim të kësaj afere të pisët, nëpërmjet faktimit të lidhjeve të ngushta të Mirel Mërtirit dhe Klodian Zotos, bosëve të inceneratorëve, dhe Damian Gjiknurit, i cili ka udhëtuar mbi 15 herë me ta jashtë Shqipërisë, ndërkohë që i gjithë aparati shtetëror ishte vendosur në gatishmëri të mafies së plehrave.

Ky konflikt i pastër interesi i shtohet numrit të madh të provave që Partia Demokratike ka grumbulluar vitet e fundit mbi këtë aferë që bën bashkë drejtuesit më të lartë të këtij pushteti të korruptuar, e sigurisht vet Edi Ramën, që ka promovuar dhe mbrojtur këto projekte që  shkrumbojnë vetëm taksat e qytetarëve.

Tani është radha e drejtësisë të thotë fjalën e saj mbi këtë aferë 400 milionshe, që tregon edhe njëherë urgjencën që ka Shqipëria të pastrohet nga politikanët e korruptuar dhe të largoi këtë regjim plaçkitësish.?-tha Gazment Bardhi./CNA.al

Afera e inceneratorëve/ Zbardhen udhëtimet e Damian Gjiknurit me Klodian Zoton dhe Mirel Mërtirin





Lajmet e fundit nga